LUKA 8:33 - Jinghpaw Common Language Bible 2009

³³ Dai rai nna nat ni gaw, dai masha kaw na pru nna, wa ni hta shang ma ai. Shaloi dai wa wunawng ting gaw dai n gam mahka kaw nna nawng de gat ru bang wa nna, marit si mat ma ai.

Jinghpaw Hanson Version Bible

³³ Dai rai nna nat ni gaw dai masha kaw na pru nna, wa ni hta shang ma ai: shaloi dai wa nawng gaw dai n-gam mahka kaw na nawng de rut gat bang wa nna, marit si mat ma ai.

LUKA 8:33 ပူးပေါင်းရင်းမြစ်များ

MAHTE 8:32

Shi gaw, “Sa wa mu” ngu shanhte hpe ngu mu ai. Shing rai shanhte pru mat wa ma yang, shanhte dai wa ni hta shang wa ma ai rai nna, dai wa wunawng yawng hte gaw n-gam mahka kaw nna nawng de gat ru bang wa ma ai hte hka hta e marit si mat ma ai.

LUKA 5:1

Lani mi hta Yesu gaw, Genesaret nawng makau e tsap nga yang, shawa masha ni Karai Kasang a mungga madat na nga nna shi a man de lu tsap hkra kaput katut bang wa ma ai.

LUKA 8:32

Ya dai makau mayang e, wa wunawng kaba langai mi kawng marawn ntsa hkan kanaw sha let nga nga ma ai. Shing rai, nat ni gaw dai wa ni hta shang lu na ahkang Yesu kaw hpyi nem ma ai. Shaloi shi shanhte hpe ahkang jaw dat mu ai.

LUKA 8:34

Wa rem ai ni shing rai byin ai hpe mu jang, hprawng gat wa nna mare hte kahtawng ningchyawng hkan dai shiga hpe tsun shabra dat ma ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

SHINGRAN 9:11

Shanhte hta, shanhte a ntsa e up hkang nga ai hkawhkam langai mi lu ma ai; Shi a mying Hebre ga hku Abadon rai nna, Grik ga hku Apolion (de a lachyum gaw, “Jahten sharun ai wa,”) ngu ai rai nga ai.