LUKA 8:32 - Jinghpaw Common Language Bible 2009

³² Ya dai makau mayang e, wa wunawng kaba langai mi kawng marawn ntsa hkan kanaw sha let nga nga ma ai. Shing rai, nat ni gaw dai wa ni hta shang lu na ahkang Yesu kaw hpyi nem ma ai. Shaloi shi shanhte hpe ahkang jaw dat mu ai.

Jinghpaw Hanson Version Bible

³² Ya dai yang e wa nawng kaba mi bum ntsa e kanaw sha let nga nga ma ai: dai wa ni hta shang lu na ahkang, shanhte hpyi nem ma ai: shaloi shi shanhte hpe ahkang jaw dat mu ai.

LUKA 8:32 ပူးပေါင်းရင်းမြစ်များ

1 HKAWHKAM 22:22

Dai Madu gaw, ‘Kaning rai alau na law?,’ ngu nna bai san wu ai. Dai wenyi gaw, ‘Ngai sa nhtawm Ahab a myihtoi ni yawng hpe masu ga tsun shangun na we ai,’ ngu nna tsun htang wu ai. Dai Madu gaw, ‘Rai sa, shi hpe sa alau yu su; nang awng dang lu na ndai,’” ngu nna tsun wu ai.

YOBA 1:10

Nang gaw shi hpe mung, shi a dinghku hpe mung, shi madu da ai arung arai shagu hte hpe tut nawng makawp maga ya nga ndai. Shi galaw ai amu shagu hpe nang shaman ya nna, mungdan ting hpring wa lu hkra yam nga law law nang shi hpe jaw ya nit dai.

YOBA 1:12

Dai Madu gaw Satan hpe, “Rai sa, shi lu malu gaw na a lata hta rai nga lit dai, rai ti mung Yoba hpe nan chyawm gaw hkra lu na ndai n rai,” ngu nna tsun wu ai. Dai rai nna Satan pru mat wa wu ai.

YOBA 2:6

Dai rai nna, dai Madu gaw Satan hpe, “Rai sa, shi gaw na a lata hta rai nga ai; rai ti mung nang shi hpe sat kau lu na ndai n rai,” ngu nna tsun wu ai.

SHAKAWN KUNGDAWN 62:11

Madu hta daru magam n-gun rawng nga ai hpe mung, shi a tsaw ra myit dinggrin rai nga ai hpe mung, Karai Kasang tsun ai ga dai hpe law law lang, ngai na ni ai.

ESAIA 65:4

Shanhte gaw shana e si mat sai masha ni a tsu minla ni hte ga shaga na matu lungpu hku ni hte lupwa ni de sa ma ai. Shanhte gaw wa shan sha nna, tara maigan shagu hkungga nawng jau ai hta na shan shapyaw si mai ntsin ni hpe lu ma ai.

ESAIA 66:3

“Dai amyu masha ni gaw shanhte awng sharawng ai hte maren galaw ma ai. Shanhte gaw dumsu usu hpe shagu hkungga shatai na matu mung, shinggyim masha hpe shagu hkungga shatai na matu mung sat ma ai; shanhte gaw sagu kasha hpe shagu hkungga nawng nna gwi a du hpe gang daw ma ai; shanhte gaw shadung hkungga nawng ya ma ai, wa asai hpe mung nawng ya ma ai; shanhte gaw manam pyaw ai baw hkungga nawng ma ai, hpara sumla kaw akyu hpyi ma ai. Shanhte gaw matsat shabat re ai nawku lai ni hta sharawng awng ma ai. Dai ni yawng gaw shanhte a matu maren sha rai nga ai.

JAW JAU 11:7

Wa shan sha lu na myit dai n rai; dai gaw n san n seng nga ai ngu myit la na rai myit dai; dai gaw lahkru ga ti mung shat lai n lai nga ai.

MAHTE 7:6

“Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.

LUKA 8:31

Nat ni mung, shanhte hpe sung htum ai shara de n gawt bang kau na shi kaw hpyi ma ai.

LUKA 8:33

Dai rai nna nat ni gaw, dai masha kaw na pru nna, wa ni hta shang ma ai. Shaloi dai wa wunawng ting gaw dai n gam mahka kaw nna nawng de gat ru bang wa nna, marit si mat ma ai.

YAWHAN 19:11

Yesu gaw, “Nang hpe Karai Kasang e ahkaw ahkang jaw ai majaw sha nye a ntsa e ndai zawn re ai ahkang aya nang lu ndai. Dai majaw ngai hpe nang kaw sa ap ai wa gaw yubak grau kaba lu ai,” ngu nna shi hpe htan wu ai.

1 YAWHAN 4:4

Shu sha ni e, nanhte gaw Karai Kasang hte seng ai ni rai nga myit dai rai nna, dai myihtoi masu ni hpe dang kau manu ai. Hpa majaw nga yang, nanhte hta e rawng nga ai Wenyi gaw mungkan ga hte seng ai ni hta rawng nga ai wenyi hta grau n-gun atsam kaba nga ai.

SHINGRAN 20:7

Dai shaning hkying mi lai jang, Satan gaw htawng na raw dat ai hkrum na ra ai rai nna,