LUKA 8:31 - Jinghpaw Common Language Bible 2009

³¹ Nat ni mung, shanhte hpe sung htum ai shara de n gawt bang kau na shi kaw hpyi ma ai.

Jinghpaw Hanson Version Bible

³¹ Nat ni mung, shanhte hpe sung htum ai shara de n gawt kau na, shi hpe hpyi nem ma ai.

LUKA 8:31 ပူးပေါင်းရင်းမြစ်များ

YOBA 1:11

Rai ti mung ya chyawm gaw shi lu malu hpe nang lama la kau ya ai rai yang, shi gaw na a myi man chyaw e nang hpe dagam kau na ra ai!,” ngu nna htan wu ai.

YOBA 2:5

Rai ti mung, ya chyawm gaw shi a hkum shan hpe nang machyi shangun ai ngu ga-shi gaw nang hpe na a man e nan dagam kau na ra ai!,” ngu nna htang tsun wu ai.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

LUKA 8:32

Ya dai makau mayang e, wa wunawng kaba langai mi kawng marawn ntsa hkan kanaw sha let nga nga ma ai. Shing rai, nat ni gaw dai wa ni hta shang lu na ahkang Yesu kaw hpyi nem ma ai. Shaloi shi shanhte hpe ahkang jaw dat mu ai.

ROMA 10:7

Sung htum ai katsan ga de kadai wa yu wa lu na kun? Shing nga ai lachyum gaw, “Hkristu hpe sumsing lamu kaw nna anhte hpang de yu sa na matu kadai wa lung saw shaga na rai ta? (Hkristu hpe si ai kaw na bai hkrung rawt wa na matu kadai wa katsan ga de yu nna saw shaga na rai ta?,” nga ai rai nga ai.)

SHINGRAN 11:7

Shan lahkawng tinang hkaw tsun ndau ai amu ngut mat ai shaloi, sung htum ai shara na pru lung wa ai matse labye gaw, shan hpe gasat dang kau nna sat kau na ra ai.

SHINGRAN 17:8

Nang mu ai matse labye gaw, moi shawng de asak hkrung nna nga yu sai rai tim ya asak n hkrung sai. Shi gaw dai sung htum ai nhkun kaw nna lung wa magang ra ai rai nna, jahten kau hkrum na shara de sa wa na ra ai. Ginding aga nnan lat kaw nna tinang a mying ni hpe asak laika hta n ka shalawm da ai, ga ntsa e nga ai masha ni gaw, dai matse labye hpe mu ai hte yawng mayawng mau mahka na mara ai. Shi gaw shawng de kalang mi asak hkrung nga yu sai, ya asak n hkrung sai, rai ti mung hpang e kalang mi bai asak hkrung pru wa na ra ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.

SHINGRAN 9:11

Shanhte hta, shanhte a ntsa e up hkang nga ai hkawhkam langai mi lu ma ai; Shi a mying Hebre ga hku Abadon rai nna, Grik ga hku Apolion (de a lachyum gaw, “Jahten sharun ai wa,”) ngu ai rai nga ai.