LUKA 8:30 - Jinghpaw Common Language Bible 2009

³⁰ Yesu gaw, “Na a mying hpa rai lit ta?,” ngu nna shi hpe san wu ai. Shi gaw, “Legio rai li ai,” ngu wu ai. Hpa majaw nga yang, nat law law shi hta shang nga ma ai.

Jinghpaw Hanson Version Bible

³⁰ Shaloi Yesu gaw, Na amying hpa rai lit ta? ngu nna shi hpe san wu ai. Shi gaw Legio rai li ai, ngu wu ai: kaning rai nme law, nat law law wa shi hta shang nga masai.

LUKA 8:30 ပူးပေါင်းရင်းမြစ်များ

MAHTE 26:53

Ngai gaw nye Wa kaw karum hpyi na ahkang lu nna, shi gaw kalang ta lamu kasa dap shi lahkawng n ga hkra, ngai hpang de shangun dat na ra ai hpe nang n chye nga n ni?,” ngu nna shi hpe tsun wu ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 8:29

Shaloi jang shan gaw, “Karai Kasang a Kasha e, an nang hte hpa seng nga ga ta? Aten garai n du yang, an hpe ari jaw na nang sa du rin ni?,” ngu nna jahtau tsun mu ai.

MARKU 16:9

Laban shani jahpawt jau jau e, Yesu hkrung rawt wa ai hpang, nat sanit hte hpe shaden kau ya nna shamai shatsai hkrum ai Magdala Mari hpe shi hkum shawng shadan dan wu ai.

MARKU 5:9

Dai majaw Yesu gaw, “Na a mying hpa rai lit ta?,” ngu nna shi hpe san wu ai. Shi gaw, “Anhte law law wa rai nga ga ai majaw, nye a mying Legion rai nga li ai!,” ngu nna shi hpe htan wu ai.

LUKA 8:2

N hkru ai nat kap ai hte machyi makaw hta na shamai la hkrum ai numsha nkau mi mung, nat sanit pru mat ai Magdala Mari;

LUKA 8:29

Hpa majaw nga yang, Yesu gaw, n seng ai nat hpe dai wa kaw na pru mat wa na matu hkang da nu ai majaw rai nga ai. Dai nat gaw dai wa hta law law lang shung ai majaw, shi hpe bawng zawn hkanghkyi hkang hte, hpri sumri hte mung shi a lagaw lata ni hpe gyit hkang sharen da ai rai ti mung, dai sumri ni hpe gang dut kau nna, nat gaw dai wa hpe nam mali de shapoi la la arai nga ai.