LUKA 8:29 - Jinghpaw Common Language Bible 2009

²⁹ Hpa majaw nga yang, Yesu gaw, n seng ai nat hpe dai wa kaw na pru mat wa na matu hkang da nu ai majaw rai nga ai. Dai nat gaw dai wa hta law law lang shung ai majaw, shi hpe bawng zawn hkanghkyi hkang hte, hpri sumri hte mung shi a lagaw lata ni hpe gyit hkang sharen da ai rai ti mung, dai sumri ni hpe gang dut kau nna, nat gaw dai wa hpe nam mali de shapoi la la arai nga ai.

Jinghpaw Hanson Version Bible

²⁹ Kaning rai nme law, dai wa kaw na pru wa na, dai n seng ai nat hpe shi daru da nu ai. Dai nat gaw dai wa hta law law lang shung ai majaw, shi hpe sharen da ai hte, hpri sumri hte hkang hkyihkyang e gyit hkang shadang rai timung, dai sumri ni hpe gang dut kau nhtawm, nat gaw dai wa hpe nam mali de shapoi la la a rai nga ai.

LUKA 8:29 ပူးပေါင်းရင်းမြစ်များ

MARKU 5:8

(Ndai zawn nga nna tsun ai lam gaw, Yesu shi hpe, “N seng ai nat e, ndai masha kaw na pru mat wa u!,” nga nna hkang da nu ai majaw rai nga ai.)

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

LUKA 8:30

Yesu gaw, “Na a mying hpa rai lit ta?,” ngu nna shi hpe san wu ai. Shi gaw, “Legio rai li ai,” ngu wu ai. Hpa majaw nga yang, nat law law shi hta shang nga ma ai.

LUKA 9:39

Shi hta nat shung nna, akajawng sha shabam wa ai hte, hkumbawp pru hkra shi hpe bu shangun nna, machyi la hkra shatsang ngut jang she, grai yak la ai hte shi kaw na pru mat wa wa re ai.

LUKA 9:42

Dai la sha ma sa wa nga yang pyi, nat gaw shi hpe kadawng tawn nna htan gari shangun nga ai. Yesu gaw, dai n seng ai nat hpe ma kaw na pru mat na hkang dat ai hte dai ma hpe shamai ya nhtawm, kawa hpe bai ap ya wu ai.