LUKA 8:27 - Jinghpaw Common Language Bible 2009

²⁷ Yesu hkin-gau ntsa de pru lung wa yang, dai mare na nat kap ai masha langai mi sa tau la wu ai. Dai wa gaw aten na na wa hpun palawng n bu hpun ai hte, nta e mung n nga ai sha, lupwa lungpu ni hkan e nga nga ai.

Jinghpaw Hanson Version Bible

²⁷ Shi hkarang de pru lung wa yang, dai mare na nat kap ai wa langai mi shi hpe sa tau wu ai: dai wa gaw aten na na wa hpun palawng n bu hpun ai hte, nta e mung n nga ai sha, lupwa hkan e nga nga ai.

LUKA 8:27 ပူးပေါင်းရင်းမြစ်များ

ESAIA 65:4

Shanhte gaw shana e si mat sai masha ni a tsu minla ni hte ga shaga na matu lungpu hku ni hte lupwa ni de sa ma ai. Shanhte gaw wa shan sha nna, tara maigan shagu hkungga nawng jau ai hta na shan shapyaw si mai ntsin ni hpe lu ma ai.

BU HKAWM 19:16

Sat kau hkrum ai, shing n rai shinggan e shi hkrai si taw ai masha nrut nra shing n rai lup hkra ai wa kadai mung sanit ya tup n san n seng nga ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MARKU 5:15

Shanhte Yesu kaw du ma yang, shawoi nat law law lawm ai legion nat kap ai masha wa gaw, hpun palawng atsawm sha bu hpun nna, shawoi na myit kaja hte dung nga la ai hpe shanhte mu mu ai rai nna, shanhte yawng hkrit kahpra mat ma ai.

LUKA 8:26

Shaloi Yesu hte sape ni gaw Galile mung hte taw tap re ai Gerasa mung de sa du ma ai.

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

1 SAMUELA 19:24

Shi gaw shi a bu hpun palawng ni hpe raw kau nhtawm Samuela a man e ka let jahtau garu wu ai; dai shani tup, dai shana tup, hpun palawng n kap ai sha taw nga ai. (Dai re ai majaw, “Shawlu mung myihtoi tai yu sani?,” nga nna npawt gawn tsun shalai ma ai.)