LUKA 8:24 - Jinghpaw Common Language Bible 2009

²⁴ Sape ni Madu kaw sa nhtawm, “Madu e, Madu e, anhte si na sha rai saga ai,” ngu nna shi hpe jasu mu ai. Shaloi shi rawt nna, nbung hte hkaleng ni hpe daru kau wu ai, dai ni mung sim mat wa nna, dai yang e atsin sim rai nga ai.

Jinghpaw Hanson Version Bible

²⁴ Dai rai nna shanhte sit sa nna, Madu e, madu e, anhte mat mat wa nga ga ai, ngu nna shi hpe jasu mu ai. Shaloi shi rawt nna, nbung hte hka leng ni hpe daru kau wu ai: dai ni mung sim mat wa nna, atsin sim rai nga ai.

LUKA 8:24 ပူးပေါင်းရင်းမြစ်များ

SHAKAWN KUNGDAWN 65:7

Nang gaw panglai hka ni a wu kadu ai nsen, hka leng ni a kashaw kashai ai nsen ni hte, amyu baw ni a rawt kabrawng ai hpe shazim kau nga ndai.

ESAIA 50:2

“Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

NAHUM 1:4

Shi panglai hka hpe daru ai hte hka gaw hkun hkraw mat a hka! Shi gaw hka nu ni hpe hkyet shangun nga ai. Bashan tsingdu pa ni kyip mat nna, Hkarmela Bum mung hkraw mat nga ai; Lebanon a nampan pu ni nyip mat nga ai.

MAHTE 14:30

Rai ti mung, nbung ja ai hpe mu jang shi hkrit nga ai; dai rai nna hka hta lup bang wa jang, shi gaw, “Madu e ngai hpe sai la rit,” ngu nna jahtau wu ai.

MAHTE 8:25

Dai rai nna Sape ni shi kaw sa nhtawm jasu let, “Madu e, hkye la mi, anhte si na sha rai saga ai!,” ngu mu ai.

MARKU 4:39

Dai majaw shi rawt tsap nna nbung hpe, “Atsin sim rai nga u!,” ngu nna hkang dat wu ai hte hkaleng ni hpe mung, “Sim mat u!,” ngu wu ai. Dai nbung num mat wa nna dai yang e akatsi sha rai mat wa ai.

LUKA 4:35

Shaloi Yesu gaw, “Atsin sha nga u, shi kaw na pru mat wa u,” ngu nna shi hpe daru kau wu ai. Dai rai nna nat gaw dai wa hpe shanhte a ka-ang e kadawng kau tawn da nhtawm, hkala nba n di ai sha, shi kaw na pru mat wa ai.

LUKA 4:39

Shi gaw numsha a yupku makau e shang tsap nga let, dai hkali hpe numsha kaw na pru mat na hkang da wu ai rai nna, shi a hkali kawp mat ai, shaloi jang shi rawt nna shanhte hpe galaw daw mu ai.

LUKA 5:5

Simun gaw, “Madu e, mana tup anhte shakut ga timung, hpa mung n lu gaw ai; rai ti mung, na a ga majaw, ngai sumgawn jahkrat na we ai,” ngu nna htan wu ai.

LUKA 8:25

Dai rai nna shi gaw, “Nanhte a makam masham kanang rai wa malit ta?,” ngu nna shi a sape ni hpe tsun mu ai. Shanhte chyawm gaw hkrit gari ai hte mau mahka mat nna, “Ndai masha wa gaw kadai wa re ai i? Nbung hte hkaleng ni pyi, shi mungga dat nna daru wu yang, dai ni madat nga ma hka!” nga nna shada da tsun shajang ma ai.