LUKA 8:23 - Jinghpaw Common Language Bible 2009

²³ Shing rai shanhte rap sa wa nga yang, Yesu yup pyaw nga ai. Akajawng sha grai ja ai nbung laru langai mi dai nawng ntsa de bung hkrat wa nna, li hta hka hpring wa nga ai majaw, shanhte lup magang wa nga ma ai.

Jinghpaw Hanson Version Bible

²³ Shing rai rap sa wa nga yang, shi gaw yup mu nga ai. Shaloi dai nawng hta nbung laru ru hkrat wa nna, li hta hka hpring wa ai majaw, shanhte lup si magang wa nga ma ai.

LUKA 8:23 ပူးပေါင်းရင်းမြစ်များ

SHAKAWN KUNGDAWN 44:23

Madu e, rawt u! Nang hpa rai yup pyaw nga n ta? Na a myit hpe shajin u! Anhte hpe htani htana hkum kau da nga et!

ESAIA 54:11

Dai Madu gaw, “Nang gaw nni nkri hte matsan mayan hkrum ai mare, nang hpe shalan shabran na kadai n nga ai Yerusalem e, Ngai gaw na a npawt nhpang ni hpe hpu reng ai nlung ni hte bai gaw gap da na nngai.

LUKA 5:1

Lani mi hta Yesu gaw, Genesaret nawng makau e tsap nga yang, shawa masha ni Karai Kasang a mungga madat na nga nna shi a man de lu tsap hkra kaput katut bang wa ma ai.

LUKA 8:22

Lani mi hta, shi gaw shi a sape ni hte rau li langai mi hta shang nna, “Anhte nawng wora hkran de rap sa wa ga,” ngu nna shanhte hpe tsun mu ai. Shaloi shanhte rap sa wa magang ma ai.

KASA 27:2

Shaloi anhte gaw Asi mung a Nammukdara hkin-gau hkan na mare ni de pru sa wa hkyen nga ai Adramuti mare nna du sa ai sanghpaw li hta shang jawn nna rawt sa mat wa ga ai. Dai sanghpaw hta Htesaloni mare na Makedoni mung masha Aristarku mung anhte hte rau lawm nga ai.

1 KORINHTU 15:30

Anhte mung hpa majaw hkying hkum shagu hkrit tsang hpa lam hta sak dan nna hkan nga ga ni?

HEBRE 4:15

Hpa majaw nga yang, anhte a Hkinjawng Agyi Kaba wa gaw, anhte a ra rawng gawng kya ai lam hpe matsan n chye dum ai wa n rai. Anhte zawn lam shagu hta gunglau hkrum yu ti mung yubak mara n galaw ai Hkinjawng Agyi Kaba she anhte lu ga ai.