LUKA 8:22 - Jinghpaw Common Language Bible 2009

²² Lani mi hta, shi gaw shi a sape ni hte rau li langai mi hta shang nna, “Anhte nawng wora hkran de rap sa wa ga,” ngu nna shanhte hpe tsun mu ai. Shaloi shanhte rap sa wa magang ma ai.

Jinghpaw Hanson Version Bible

²² Dai tawng na lani mi hta, shi gaw shi a sape ni hte rau li de shang nna, Anhte nawng wora hkran de rap sa wa saga, ngu nna shanhte hpe tsun mu ai: shaloi shanhte rap sa wa ma ai.

LUKA 8:22 ပူးပေါင်းရင်းမြစ်များ

MAHTE 14:22

Shaloi Yesu gaw, shawa masha ni hpe shabawn dat nga yang, sape ni hpe mung li shajawn nna, shi a shawng e nawng wora hkran de rap mat wa shangun mu ai.

MAHTE 8:18

Ya, Yesu gaw shi hpe shinggrup nga ai masha wunawng wuwa hpe mu mu yang, nawng wora hkran de rap sa wa na shi hkang da nga ai.

MARKU 5:21

Yesu hte sape ni gaw hka nawng a wora hkran de bai rap mat wa ma ai. Dai nawng makau de masha wunawng kaba shi kaw sa hpawng ma ai.

MARKU 6:45

Yesu gaw shawa masha ni hpe shabawn dat nga yang, shi a sape ni hpe mung shaloi jang li hta shang nna shi a shawng e nawng wora hkran Betsaida mare de rap sa wa shangun dat mu ai.

MARKU 8:13

Madu gaw shanhte kaw na pru mat wa nna, li hta e bai shang nhtawm nawng wora hkran de rap mat wa ai.

LUKA 5:1

Lani mi hta Yesu gaw, Genesaret nawng makau e tsap nga yang, shawa masha ni Karai Kasang a mungga madat na nga nna shi a man de lu tsap hkra kaput katut bang wa ma ai.

LUKA 8:23

Shing rai shanhte rap sa wa nga yang, Yesu yup pyaw nga ai. Akajawng sha grai ja ai nbung laru langai mi dai nawng ntsa de bung hkrat wa nna, li hta hka hpring wa nga ai majaw, shanhte lup magang wa nga ma ai.

LUKA 8:33

Dai rai nna nat ni gaw, dai masha kaw na pru nna, wa ni hta shang ma ai. Shaloi dai wa wunawng ting gaw dai n gam mahka kaw nna nawng de gat ru bang wa nna, marit si mat ma ai.

YAWHAN 6:1

Dai hpang Yesu gaw Tiberi ngu ai Galile nawng wora hkran de rap sa wa ai.

KASA 27:2

Shaloi anhte gaw Asi mung a Nammukdara hkin-gau hkan na mare ni de pru sa wa hkyen nga ai Adramuti mare nna du sa ai sanghpaw li hta shang jawn nna rawt sa mat wa ga ai. Dai sanghpaw hta Htesaloni mare na Makedoni mung masha Aristarku mung anhte hte rau lawm nga ai.