LUKA 8:18 - Jinghpaw Common Language Bible 2009

¹⁸ “Dai re ai majaw, nanhte gara hku madat la myit dai hpe sadi nga mu; hpa majaw nga yang, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai kachyi mi hpe pyi naw shaw la kau ya na ra ai,” ngu mu ai.

Jinghpaw Hanson Version Bible

¹⁸ Dai re ai majaw, nanhte kaning rai na la myit dai hpe sadi nga mu: kaning rai nme law, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai hpe pyi, naw shaw la ya na ra ai, ngu wu ai.

LUKA 8:18 ပူးပေါင်းရင်းမြစ်များ

GA SHAGAWP 14:12

Teng man sai ngu nang myit nawn ai lam gaw nang hpe katsan ga de woi sa wa ai lam tai chye nga ai.

MAHTE 13:12

Hpa majaw nga yang, lu ai wa kadai hpe mung naw jat jaw na rai nna, shi hta law htam wa na rai nga ai; rai ti mung n lu ai wa kaw na chyawm gaw shi lu ai kachyi mi hpe pyi naw la kau ya na ra ai.

MAHTE 25:29

Hpa majaw nga yang, lu ai wa kadai hpe mung, naw jaw nna shi law htam wa na ra ai, rai ti mung n lu ai wa kaw na chyawm gaw shi lu ai kachyi mi hpe pyi naw shaw la kau ya na ru ai.

MARKU 13:14

“Hkrit kajawng matsat si na zawn san ai arai gaw n nga ang ai shara hta nga ai hpe nanhte mu lu na marin dai, (Laika hti ai wa a matu matsing hpa ndai lam hpa re ai hpe atsawm sha chye na nga u ga!) Dai shaloi e, Yuda mung hta nga ai ni gaw, bum lang de hprawng gat mu ga,

LUKA 19:26

Hkawhkam wa gaw, nanhte hpe ngai tsun made ga, “Loi sha mi lu ai wa kadai hpe mung, grau nna pyi naw jat jaw na rai nga ai; rai ti mung hpa mung n lu ai wa kaw na chyawm gaw, shi lu ai kachyi sha mi hpe pyi naw la kau na rai nga ai,” ngu mu ai.

LUKA 9:44

“Ngai nanhte hpe tsun dan hkyen ai ga hpe hkum malap kau mu, Masha Kasha gaw masha ni a lata de ap kau ai hkrum na ra ai,” ngu nna tsun mu ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.

KASA 10:33

Dai majaw, shaloi jang ngai nang hpang de shangun dat nna, ya nang du ai gaw mai kaja nga ai dai rai nna, dai Madu nang hpe hkang da mada hte hpe madat mara la na matu ya anhte yawng ndai kaw Karai Kasang a man e rai nga saga ai,” ngu nna tsun wu ai.

KASA 17:11

Dai mare masha ni gaw Htesaloni masha ni hta grau myit su, myit dam lada ma ai rai nna Pawlu hkaw tsun ai mungga hpe grai shareng hkungga nna myit lawm ai hte madat la ma ai. Shanhte gaw Pawlu yan Sila hkaw tsun dan ai ga hte maren teng n teng chye lu hkra, Chyum Laika hpe shani shagu asawk hti yu nga ma ai.

ROMA 12:3

Dai rai nna, kadai mung tinang hkum hpe mai myit ai hta jan nna nau wa n rai dum na matu Karai Kasang ngai hpe jaw ai Wenyi chyeju kumhpa a marang e nanhte langai hte langai hpe ngai htet shana dat nngai. Shing rai na malai nanhte langai hte langai hpe makam masham ren di nna garan jaw da sai hte maren tinang a hkum hpe sari rawng ai hku myit yu nna daw dan la u ga

1 KORINHTU 14:37

Marai langai ngai tinang a hkum hpe Karai Kasang a kasa wa rai nngai, shing n rai, Wenyi atsam lu la ai wa rai nngai nga nna myit la ai wa gaw, Karai Kasang a hkang da ai hte ndai laika hpe ngai ka dat ai re ai lam hpe chye u ga.

1 KORINHTU 3:18

Kadai rai ti mung tinang hkum hpe hkum hkalem nga myit ga. Nanhte hta na marai langai ngai ndai mungkan a madang hku nna tinang hkum hpe hpaji byeng-ya rawng nga nngai nga nna grang a yang gaw, hpaji byeng-ya rawng ai wa majing tai na matu angawk angak re ai masha tai wa u ga.

1 KORINHTU 8:2

Marai langai ngai, ngai lama mi chye nngai nga nna myit a yang gaw, shi chye mai ai hpe pyi kaja wa shi n chye wu ai.

HPILIPI 3:4

Ngai chyawm gaw matu gadoi hkam ai zawn re ai shinggan maka kumla ni hpe sha kam ra ai nga yang, kamhpa na lam ngai lu nngai. Shinggan maka kumla ni hpe kam hpa na lam lu nngai nga nna masha langai ngai myit a yang gaw, ngai grau nna lu da we ai.

HEBRE 2:1

Dai re ai majaw anhte lam n yit mat wa u ga, anhte na la sai dai teng man ai lam hta grau nna kangka ai hte magra noi nga lu ra ga ai.