LUKA 8:13 - Jinghpaw Common Language Bible 2009

¹³ Nlung hkrai re ai ga hta hkrat ai nli tum ni gaw, dai mungga hpe na la nna kabu gara ai myit hte hkap la ma ai. Rai ti mung, shanhte hta ru sung sung n jung ai majaw, tawng marang mi sha kam sham nhtawm, agung alau hkrum ai ten du jang, shanhte bai htak mat ai ni hpe ngu ai rai nga ai.

Jinghpaw Hanson Version Bible

¹³ Nlung hta nga ai ni gaw, dai mungga hpe na jang, kabu gara ai myit hte hta la ai rai timung, ru n jung ma ai majaw, tawng marang mi sha kamsham nhtawm, gunglau hkrum ai nhtoi hta e bai htak mat wa ai ni rai ma ai.

LUKA 8:13 ပူးပေါင်းရင်းမြစ်များ

YOBA 19:28

“Anhte shi hpe kaning rai zingri lu na ga ta?,” ngu nna tsun myit dai. nanhte gaw ngai hpe gasat na ginjang tam myit dai.

GA SHAGAWP 12:12

Tara n lang ai masha ni yawng ra marit ai gaw, n hkru ai amu galaw shachyen na matu rai nga ai; ding hpring ai masha ni chyawm gaw ngang ngang kang kang tsap nga ma ai.

GA SHAGAWP 12:3

Tara n lang ai gaw shim lum lam hpe n lu la shangun nga ai, rai ti mung, ding hpring ai masha ni chyawm gaw ngang ngang kang kang tsap lu na mara ai.

ESAIA 58:2

Shanhte gaw ngai hpe shani shagu nawku ma ai, shanhte gaw nye a lam ni hpe chye na matu hte nye a tara ni madat mara na matu grai sharawng ma ai lam tsun ma ai. Shanhte gaw shanhte hpe teng man ai tara ni jaw ya na matu hte ngai hpe nawku ai hta shanhte awng sharawng nga ai lam tsun ma ai,” ngu nna tsun ai.

EZEKELA 33:32

Nang gaw mahkawn shangwi shapyaw nna madum sumpyi hte shapyaw chye ai hta jan nna shanhte a matu hpa mung akyu n rawng nga ndai. Shanhte gaw na a ga mahkra madat nga ma ti mung, dai ga ni hta na langai mi hpe pyi hkan galaw nga ma ai n rai.

HOSEA 6:4

Rai ti mung dai Madu gaw, “Israela hte Yuda e, ngai nanhte hte hpa galaw na rai nga a ta? Nye a matu nga nna nan madun ai tsaw ra myit gaw alawan hkoi mat ai jahpawt manap na sai wan hte mung, shani jau jau tsai mat wa ai numri hte mung bung nga ai.

MARKU 6:20

Yawhan gaw, ding hpring ai hte chyoi pra ai wa rai nga ai hpe Herod chye wu ai majaw, shi hpe hkrit kamyin ai hte makawp maga nga ai. Herod gaw Yawhan a sharin shaga ai ga na lu ai ten shagu shi a myit hta grai ung ang shangun ai rai tim, shi a ga na la na grai ra nga ai.

LUKA 8:12

Lam makau e hkrat ai nli tum ni gaw, mungga na la ai hpang, kam sham ai hte hkye hkrang la ai kaw n du lu mu ga, dai mungga hpe shanhte a kraw lawang ni kaw na nat e shaw la kau ya ai hkrum ai ni hpe ngu ai rai nga ai.

LUKA 8:14

Ju sumwum ni hta hkrat ai nli tum ni gaw, mungga na la ai hpang aten na mat wa ai shaloi, ndai prat na myit ru myit tsang lam ni, sut lu sut su lam ni, pyaw daw tam ai lam ni hpring chyat bang wa nna lim kau ai majaw, ja kat ai asi galoi mung n si ai hte bung ai ni hpe ngu ai rai nga ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.

YAWHAN 15:6

Ngai hta n jung n noi ai wa gaw shinggan de kabai kau ai hkrum nna hkraw mat wa ai lakung lakying zawn tai na ra ai. Masha ni mung shing re ai lakung lakying ni hpe magawn la nhtawm, wan hta kabai bang nna, hkru krawp mat ai kaw du wa lu ai.

YAWHAN 5:35

Yawhan gaw pyengdin langai mi zawn tu grung ai hte htoi nga ai rai nna, nanhte gaw shi a nhtoi hta tawng marang mi kabu pyaw nga mayu myit dai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

1 KORINHTU 15:2

Dai Kabu Gara Shiga gaw ngai nanhte hpe hkaw dan yu sai mungga rai nga ai. Nanhte gaw dai Kabu Gara Shiga hpe ngang ngang kang kang kam sham manoi manat ai rai yang, nanhte hkye hkrang la ai hkrum na rai nga ai. Dai n rai yang nanhte a kam sham ai gaw kaman lila kam sham ai lam sha rai na rai nga ai.

GALATI 3:1

Angawk angak re ai Galati masha ni e, wudang hta e Yesu Hkristu si hkam ai lam hpe nanhte a myiman e pra pra mu lu hkra, ngai tsun sanglang dan sai mi, nanhte hpe kade e hkalem la kau myit ta?

GALATI 3:4

Nanhte nan mu hkrum hkam sha lai wa sai ning san ai nni nkri hpe nanhte kaman sha hkam kau manu ni? Kaja wa dai mahkrum madup gaw nanhte a matu kaman n mai rai mat nga ai.

EHPESU 3:17

makam masham a marang e Hkristu gaw nanhte a myit masin ni hta shi a shanu shara shatai u ga, hte tsaw ra myit hta ru jung npawt gaw da let,

KOLOSE 1:23

Kaja wa nanhte gaw nanhte hkam la kam sham ai lam hpe ngang kang nna teng man ai npawt hkridun zawn ngang grin nga u ga, matut nna makawp maga sin lajang tawn lu na rai myit dai. Bai nna nanhte gaw dai Kabu Gara Shiga na la ai shaloi lu la tawn ai myit mada ai lam kaw na htak mat hkra ari jahkrat kau na ahkang jaw mai na myit dai n rai. Ndai Kabu Gara Shiga a majaw ngai Pawlu gaw magam gun wa langai mi tai wa ni ai, dai Kabu Gara Shiga chyawm gaw mungkan ting hta masha shagu hpe hkaw tsun dan ai mungga rai nga ai.

KOLOSE 2:7

Sharin achyin ai hpe hkam la manit dai hte maren, shi hta sung sung ru jung nna, shi hta tinang a asak hkrung lam hpe gaw da let nanhte a makam masham hpe grau nna ngang kang shangun nga mu. Nanhte hta chyeju dum ai myit hte hpring nga mu.

1 HTESALONI 3:5

Ngai matut nna n dang la ni ai majaw, nanhte a makam masham gara hku rai nga ai lam mu chye lu na matu Timohti hpe ngai shangun dat we ai. Kaja wa nanhte gaw Nat e gunglau ai de hkan mat wa nna, anhte a shakut shaja ai hte galaw da ai amu ni kaman lila n tai shangun mayu ga ai!

1 TIMOHTI 1:19

Dai hta n ga, nang hta makam masham hte asan sha re ai dum chye ai htauli htaula myit rawng nga u ga. Masha nkau mi dai dum chye ai htauli htaula myit e shadum ai hpe n madat ai majaw shanhte a makam masham hpe jahten shabya kau ma ai.

HEBRE 10:39

Anhte gaw sit htingnut nna mat mat ai masha ni n re ai sha, kam sham nna hkye hkrang la hkrum ai ni rai nga ga ai.

YAKU 2:26

Dai re ai majaw, hkum hkrang hta wenyi asak n rawng yang gaw chyasi rai nga ai hte maren, magam bungli n lawm ai makam masham mung chyasi rai nga ai.

2 PETRU 2:20

Lama rai nna masha ni gaw nanhte a hkye hkrang la ai Madu Yesu Hkristu hpe chye chyang ai a marang e mungkan ga a matsat shabat n-gun atsam kata na lawt lu sai hpang kalang mi bai matsat shabat lam e dang kau hkrum ai rai yang, dai ni a hpang na byin da gaw shawng na hta grau sawng mat wa sai.

2 PETRU 2:22

“Gwi gaw tinang a nhpat hpe nhtang sha ai,” bai “Wa gaw kashin ya ngut ai hpang hkum pup hta bai galwi nga ai,” nga ai ga shagawp gaw shanhte a matu teng nga ai.

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.