LUKA 8:12 - Jinghpaw Common Language Bible 2009

¹² Lam makau e hkrat ai nli tum ni gaw, mungga na la ai hpang, kam sham ai hte hkye hkrang la ai kaw n du lu mu ga, dai mungga hpe shanhte a kraw lawang ni kaw na nat e shaw la kau ya ai hkrum ai ni hpe ngu ai rai nga ai.

Jinghpaw Hanson Version Bible

¹² Lam makau e nga ai ni gaw, dai mungga na la ai hpang, kamsham ai hte hkye la ai kaw n du lu mu ga, dai mungga hpe shanhte a kraw lawang na Nat e sa shaw la kau ya hkrum ai ni rai ma ai.

LUKA 8:12 ပူးပေါင်းရင်းမြစ်များ

GA SHAGAWP 1:29

Nang gaw machye machyang hpaji loi mi hpe pyi, galoi mung akyu n jashawn yu nga ndai, dai Madu hpe hkrit hkungga na matu mung, tut nawng e, ningdang kau nga ndai.

GA SHAGAWP 4:5

Hpaji byeng-ya hte myit kraw hpaji hpe tam la u! Ngai tsun shaga ai ga hpe mung hkum malap kau et, dai lam hpe hkum hprai kau nga et.

ESAIA 65:11

“Rai ti mung, ngai hpe kau da nna nye a chyoi pra ai Bum ngu ai Ziun hpe hpa zawn n nawn nhtawm Gad hte Meni ngu ai Gam hte Auba a karai ni hpe nawku ai dai amu gaw nanhte a matu kaga ga shai wa na ra ai.

MAHTE 13:19

Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

MAHTE 13:4

Nli hpe shi gat dat wu yang, nkau mi gaw lam makau e hkrat nna, u ni dai hpe hta sha kau mu ai.

MARKU 4:15

Masha nkau mi gaw lam hkan e hkrat taw ai nli tum ni hte bung nga ma ai, shanhte dai mungga hpe na la ai shaloi jang, Satan wa sa du nna shanhte hta gat da ai mungga hpe shaw la kau ya mu ai.

LUKA 8:11

“Ya, ndai ga shadawn a lachyum gaw ndai hku rai nga ai,

LUKA 8:13

Nlung hkrai re ai ga hta hkrat ai nli tum ni gaw, dai mungga hpe na la nna kabu gara ai myit hte hkap la ma ai. Rai ti mung, shanhte hta ru sung sung n jung ai majaw, tawng marang mi sha kam sham nhtawm, agung alau hkrum ai ten du jang, shanhte bai htak mat ai ni hpe ngu ai rai nga ai.

LUKA 8:5

“Kalang mi na nli gat na matu pru sa wa ai masha langai mi nga ai. Shi gaw yi hta nli hpe gat dat wu yang, nkau mi lam makau e hkrat nna, masha e kabye kau ai hte, ntsa malen na u ni hta sha kau ma ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.