LUKA 8:1 - Jinghpaw Common Language Bible 2009

¹ Dai hpang gade n na yang, Yesu gaw Mare ni hte kahtawng ni de du hkawm sa nna, Karai Kasang a Mungdan lam Kabu Gara Shiga ni hpe hkaw tsun nga ai. Sape shi lahkawng hte mung shi hte rau hkawm sa ma ai.

Jinghpaw Hanson Version Bible

¹ Dai hpang gade n na yang, shi gaw Karai Kasang a mungdan lam hkaw dan ai hte, kabu gara shiga tsun shana ya let, mare mi kaw nna mare mi, kahtawng mi kaw nna kahtawng mi de, du hkawm sa wa ai: sape shi lahkawng hte mung shi hte rau rai nga ma ai;

LUKA 8:1 ပူးပေါင်းရင်းမြစ်များ

MAHTE 11:1

Ya, Yesu gaw shi a sape shi lahkawng hte hpe hkang da ngut yang, ni nawn ai mare kahtawng ni hta sharin shaga nna, mungga hkaw dan na matu, shi dai shara kaw na pru sa wa ai.

MAHTE 13:19

Dai mungdan a lam na la ai ni kadai rai ti mung, dai hpe n chye na ai ni gaw, lam makau e hkrat ai nli tum hte bung ma ai. N hkru ai wa sa du nna shanhte hta gat bang tawn ai nli tum hpe shaw la kau ya wu ai rai nga ai.

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 9:35

Dai hpang Yesu gaw, mare kahtawng shagu hkan e kawan hkawm nna, shanhte a tara jawng ni hta sharin shaga ya ai hte sumsing lamu Mungdan a Kabu Gara Shiga hpe hkaw dan let, ana ahkya amyu myu hte, machyi makaw amyu myu hpe shamai shatsai ya mu ai.

MARKU 1:39

Shing rai shi gaw Galile mung ting kawan hkawm nna tara jawng ni hta hkaw tsun dan let nat ni hpe shaden kau mu ai.

LUKA 1:80

Dai ma gaw gawng shingyan kaba wa nna wenyi atsam hpring let, Israela masha ni kaw dan pru ai nhtoi du hkra, nam mali hkan e nga nga ai.

LUKA 20:1

Lani mi hta Yesu gaw, Nawku Htingnu hta masha ni hpe sharin shaga nga ai hte Kabu Gara Shiga hkaw tsun nga yang, hkinjawng agyi ni, Tara sara ni hte agyi salang ni gaw shi hpang de sa ma ai.

LUKA 4:18

“Madu a Wenyi nye a ntsa e nga nga ai: matsan mayan ni hpe Kabu Gara Shiga hkaw tsun dan na matu, Shi ngai hpe namman jaw ya ni ai. bawng dung ai ni hpe shalawt lu na lam, myi kyaw ai ni hpe myi bai mu na lam, hkaw tsun na matu mung, zingri zingrat hkrum ai ni hpe dat dat shangun na hte,

LUKA 9:6

Shing rai sape ni pru sa nna, kahtawng shagu hkan e dai Kabu Gara Shiga hkaw dan let, shara magup hkan e shamai shatsai ya hkawm ma ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 13:32

Lahkawng ngu na Shakawn Kungdawn laika hta, ‘Nang gaw ngai Sha rai nga ndai; Dai ni nan nang hpe kasha aya ngai jaw sade ai,’ nga nna ka da nga ai hte maren,

ROMA 10:15

Hkaw tsun na ni hpe n shangun dat yang gaw, shanhte kaning rai hkaw dan lu na ma ta? Dai Chyum Laika hta tsun ai hte maren, “Mai kaja ai lam Kabu Gara Shiga hpe la sa ai ni gaw gade wa mauhpa rai nga malu hka!,”