LUKA 7:7 - Jinghpaw Common Language Bible 2009

⁷ Ngai hkum nan mung nang kaw sa na ging dan nngai ngu nna n myit nngai, na a ga hkaw mi sha tsun dat rit, shaloi nye a ma mai na ra ai.

Jinghpaw Hanson Version Bible

⁷ dai majaw ngai mung nang kaw sa na ging dan nngai, ngu nna n myit nngai: rai timung, na ga hkaw mi tsun dat rit, shaloi nye ma mai na ra ai.

LUKA 7:7 ပူးပေါင်းရင်းမြစ်များ

SHAKAWN KUNGDAWN 107:20

Shi gaw shi a mungga hte shanhte hpe shamai shatsai ya ai hte, lup sung hku kata na, shanhte hpe hkye hkrang la wu ai.

SHAKAWN KUNGDAWN 33:9

Shi ga shaga dat ai shaloi, mungkan ga byin pru wa sai; shi a hkang da ai mungga a jaw e, arai yawng mayawng dan pru wa sai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

MARKU 1:27

Masha ni yawng mung mau mahka mat nna, “Ndai gaw hpa rai nga a ta? Sharin shaga ai lam ningnan lama mi rai nga a ni? Ndai masha wa hta n seng ai nat ni hpe hkang da ai lam ni jaw na daru magam ahkang aya nga nga ai rai nna, shanhte shi hpe madat mara nga ma ai,” nga nna shada da tsun ma ai.

LUKA 4:36

Dai majaw masha yawng gaw mau mahka nga ma ai rai nna, “Ndai ga gaw kaning nga ai ga re ai i? Daru magam ahkang hte mung, n-gun atsam hte mung, n san n seng ai nat ni hpe hkang dat yang shanhte pru mat wa ma ai,” nga nna shanhte shada da tsun hkat ma ai.

LUKA 5:13

Yesu gaw lata ladawn nna shi hpe ahtawk let, “Ngai hkraw nga nngai, san pra wa nu,” ngu wu ai. Shaloi jang dai manggang ana mai mat wa ai.

LUKA 7:6

Dai rai nna Yesu gaw, shanhte hte rau sa wa ai. Shi dai nta hte gade n tsan ai kaw du jang, hpyen du wa gaw shi a jinghku ni hpe shangun dat nna, “Madu e na a hkum hpe hkum shatsang et, nye nta magaw npu e nang sa shang na gaw, ngai n ging n dan nngai.

LUKA 7:8

Hpa majaw nga yang, ngai mung lahta de na du ni e dang da hkrum ai masha rai nngai, nye a lawu de mung hpyen la ni nga ma ai. Ngai gaw, ndai langai wa hpe, ‘Sa su!,’ ngu yang shi sa wa ai; Kaga wa hpe ‘Wa rit!,’ ngu yang shi wa ai; nye mayam wa hpe mung, ‘Ndai galaw u!,’ ngu yang shi galaw nga ai,” ngu nna tsun shangun dat wu ai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.

1 SAMUELA 2:6

Dai Madu gaw sat kau ai hte asak bai jahkrung ya nga ai; shi gaw amyu masha ni hpe katsan ga de shayu kau nna, shanhte hpe bai woi la nga ai.