LUKA 7:47 - Jinghpaw Common Language Bible 2009

⁴⁷ Dai lam a majaw ngai nang hpe tsun de ga, dai numsha a tsaw ra myit law law madun ai lam a majaw, shi a law la ai yubak mara ni hpe dat kau ya hkrum sai, ngu ai sakse madun nga ai. Kadai rai ti mung, loi sha mi raw dat kau ya hkrum ai wa gaw, loi sha mi tsaw ra ai lam madun dan nga ai,” ngu nna tsun wu ai.

Jinghpaw Hanson Version Bible

⁴⁷ Dai lam a majaw ngai nang hpe tsun de ga, Dai numsha gaw law wa tsawra ai majaw, shi a law la ai yubak raw dat kau ya ai lu la nu ai: loi mi sha raw dat hkrum ai wa chyawm gaw loi mi sha tsawra nga ai, ngu nna tsun wu ai.

LUKA 7:47 ပူးပေါင်းရင်းမြစ်များ

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

MIHKA 7:19

Nang gaw anhte hpe kalang mi bai matsan dum la na rai nga ndai. Nang gaw anhte a yubak mara ni hpe lagaw npu de kabye kau na rin dai, dai ni hpe panglai htumpa de kabai bang kau na rin dai.

MAHTE 10:37

Kadai mung ngai hpe tsaw ra ai hta, kanu kawa hpe grau tsaw ra ai wa gaw, nye a sape tai na matu n ging n dan nga ai; ngai hpe tsaw ra ai hta, shayi shadang sha hpe grau tsaw ra ai wa mung, nye a sape tai na n ging n dan nga ai.

LUKA 7:39

Yesu hpe shaga ai Hparishe wa dai mu jang, “Ndai wa kaja wa myihtoi langai mi rai yang gaw, ndai num gaw kadai re ai, shi hpe kadai wa sa hkra nga ai, ndai num gaw kaning re ai yubak kap ai jan rai nga ai mung, shi chye na wu ai,” nga nna shi a kraw e myit nga ai.

LUKA 7:46

Nye a baw hpe tsanlun sau n chya ya ndai; shi chyawm gaw nye a lagaw hpe mura chya ya ni ai.

LUKA 7:48

Dai hpang Madu gaw, “Na a yubak mara ni hpe dat kau ya sade ai,” ngu nna numsha hpe tsun wu ai.

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

2 KORINHTU 5:14

Anhte hpe Hkristu a tsaw ra ai myit e up hkang da mi ai. Hpa majaw nga yang, marai langai mi masha yawng mayawng a matu mara si hkam sai hpe anhte myit mu myit hkut saga ai. Dai rai nna dai gaw shi a si hkam ai hta yawng mayawng si hkam lawm sai ngu ai lachyum rai nga ai.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

HPILIPI 1:9

Dai hta kaga nanhte gaw mai kaja ai hpe lata la lu nna, teng man ai machye machyang daw dan ginhka chye ai atsam marai hte hpring let tsaw ra myit hta grau grau kaba wa myit ga, nanhte a matu ngai akyu hpyi nngai.

1 TIMOHTI 1:14

Anhte a Madu gaw shi a n taw n tsang re ai chyeju nye a ntsa e ru jaw bun ya nna Hkristu hte langai sha tai nna asak hkrung nga ai majaw anhte lu la ang ai makam masham hte tsaw ra ai myit ngai hpe jaw ni ai.

1 YAWHAN 1:7

Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.

1 YAWHAN 3:18

Nye a shu sha ni e, anhte hpe tsaw ra ai lam gaw ga hte, n-gup shinglet hte sha n rai, amu bungli hta madun dan ai teng man tsaw ra myit rai ra nga ai.

1 YAWHAN 4:19

Karai Kasang gaw shawng nnan e anhte hpe tsaw ra mi ai majaw, anhte mung tsaw ra nga ga ai.

1 YAWHAN 5:3

Hpa majaw nga yang, Karai Kasang a hkang da ai ga ni hpe hkan galaw ai lam gaw shi hpe tsaw ra ai lam rai nga ai. Shi a hkang da ai ga chyawm gaw, anhte a matu yak la nga ai n rai.