LUKA 7:41 - Jinghpaw Common Language Bible 2009

⁴¹ Shaloi Yesu gaw, “Gumhpraw hkoi ya ai wa langai mi kaw hka kap ai masha lahkawng nga ma ai, langai wa mi hta lap manga tsa, langai wa mi hta manga shi kap ai.

Jinghpaw Hanson Version Bible

⁴¹ Shaloi Yesu gaw, Gumhpraw hkoi ya ai wa langai mi kaw, hka kap ai masha lahkawng nga ai: langai wa mi hta lap manga tsa, langai wa mi hta manga shi kap ai.

LUKA 7:41 ပူးပေါင်းရင်းမြစ်များ

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

YEREMIA 3:11

Dai hpang, dai Madu gaw ngai hpe Israela gaw shi kaw na kayin mat wa manu tim, shi gaw sadi n dung ai Yuda hta grau nna kaja na matu sakse madun dan nu ai, nga nna tsun sai.

BU HKAWM 27:3

“Anhte a wa gaw shadang sha n lu ai sha nam mali e si mat sai. Dai Madu hpe gumlau ai Kora a hpang hkan ai ni hta shi lawm ai n rai; shi a yubak mara a majaw shi si wa sai.

MAHTE 18:28

“Shaloi shangun ma dai wa nan pru hkawm nna shi kaw pyeksan latsa hka kap ai mayam manang langai mi hpe hkrum jang, shi hpe magra dun la nna du manat da ya let, ‘Ngai hpe jaw ra ai hka wa rit!,’ ngu wu ai.

MAHTE 6:12

Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

MARKU 6:37

Yesu gaw, “Nanhte nan shanhte hpe sha hpa lama ma jaw mu,” ngu nna htan wu ai, shanhte gaw, “Anhte sa nna gumhpraw lap lahkawng tsa hte shanhte hpe muk mari jaw na rai kun?,” ngu nna shi hpe san mu ai.

LUKA 11:4

Anhte hpe shut ai ni yawng mayawng a mara, anhte raw kau ya ga ai majaw, anhte a mara ni hpe mung raw kau ya mi; agung alau nga ai shara de mung anhte hpe hkum sa shangun mi,’” ngu nna shanhte hpe tsun mu ai.

LUKA 12:48

Rai ti mung, tinang a madu hpa baw ra ai hpe n chye ai sha, anu kayat ging ai amu galaw ai shangun ma hpe gaw, loi mi sha anu kayat ai hkrum na ra ai. Chyeju galaw ai lam law law hkam la ai wa kaw na, law law hpyi na ra ai; grau nna kam ai hte ap ya da hkrum ai wa kaw na grau law hkra bai hpyi na ra ai.

LUKA 13:4

Siloam ngu ai shara na langchyi daw hkrat nna gamyet si ai masha marai shi matsat gaw, Yerusalem mare masha ni yawng hta mara grau law ai ni rai ma ai, ngu nna nanhte myit da mu ni?

LUKA 7:40

Yesu gaw htan let shi hpe tsun wu ai gaw, “Simun e, ngai nang hpe tsun na lam lama mi lu nngai,” ngu wu ai. Simun gaw, “Rai sa, sara e, tsun rit,” ngu wu ai.

LUKA 7:47

Dai lam a majaw ngai nang hpe tsun de ga, dai numsha a tsaw ra myit law law madun ai lam a majaw, shi a law la ai yubak mara ni hpe dat kau ya hkrum sai, ngu ai sakse madun nga ai. Kadai rai ti mung, loi sha mi raw dat kau ya hkrum ai wa gaw, loi sha mi tsaw ra ai lam madun dan nga ai,” ngu nna tsun wu ai.

ROMA 3:23

Yawng mayawng gaw yubak galaw ma ai hte, Karai Kasang a mawai la ai lam hte tsan gang mat masai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.