LUKA 7:37 - Jinghpaw Common Language Bible 2009

³⁷ Ya dai mare kaw yubak kap ai numsha langai mi nga ai rai nna, Yesu gaw Hparishe a nta e shat sha dung nga ai lam shi na wu ai. Shing rai shi gaw, manam pyaw ai baw mura sau hpring hkra rawng ai lunghpraw ndum langai mi la sa nhtawm,

Jinghpaw Hanson Version Bible

³⁷ Shaloi, yu mu, dai mare na yubak kap ai numsha langai mi nga ai rai nna, Yesu gaw dai Hparishe a nta e dung nga ai hpe shi chye wu yang mura lunghpraw gawm la sa nhtawm,

LUKA 7:37 ပူးပေါင်းရင်းမြစ်များ

MAHTE 21:31

Dai yan hta na kadai wa mahtang kawa a ra ai lam hpe hkan galaw ma ta?,” ngu nna san mu ai. Shanhte gaw, “Kasha kaba ai wa rai nga ai,” ngu mu ai. Dai rai nna Yesu gaw, “Ngai nanhte hpe teng teng tsun made ga, kang hta ai ni hte shawa num ni, nanhte a shawng e, Karai Kasang a Mungdan hta shang ma ai.

LUKA 18:13

“Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

LUKA 19:7

Dai hpe mu ai masha ni yawng gaw, “Ndai masha wa gaw, Yubak kap ai wa langai mi a nta hta shang manam sai,” nga nna aput angun nga ma ai.

LUKA 5:30

Hparishe nkau mi hte shanhte a hpung hta lawm ai tara sara nkau mi gaw, Yesu a sape ni hpe, “Nanhte hpa rai kang hta ai ni hte kaga yubak kap ai masha ni hte rau, lusha nga myit ta?,” ngu nna san mu ai.

LUKA 5:32

Ding hpring ai hte arawng sadang lu dum ai ni hpe myit malai lu hkra shaga na, ngai sa du ai n rai; yubak kap ai ni ngu ai kabai kau hkrum ai ni hpe shaga na she, sa du nngai,” ngu nna shanhte hpe htan mu ai.

LUKA 7:34

Dai Masha Kasha sa du nna, lu nga, sha nga ai rai yang mung, nanhte gaw, Ndai masha wa hpe yu mu! Shi gaw lu lai sha lai ai wa, kang hta ai ni hte kaga yubak kap ai ni a jinghku wa rai nga ai, bai nga myit dai.

LUKA 7:36

Hparishe langai mi gaw, shi kaw shana shat sha na matu Yesu hpe saw shaga wu ai. Dai rai nna, dai Hparishe a nta de Yesu shang nna sha na matu dung nga ai.

YAWHAN 11:2

(Ndai Mari gaw, Madu a lagaw hta mura sau ru bun nna shi kara hte katsut kau ya ai numsha rai nga ai.)

YAWHAN 9:24

Dai re ai majaw, dai hkritung nna myi n mu ai wa hpe lahkawng lang ngu na bai shaga la nhtawm, “Karai Kasang a man e teng man ai ga tsun na nngai ngu nna ga sadi jaw u, dai wa gaw yubak mara lu ai wa rai nga ai hpe anhte chye ga ai,” ngu nna shi hpe tsun mu ai.

YAWHAN 9:31

Yubak kap ai ni a ga hpe Karai Kasang n madat nga ai gaw anhte chye ga ai, Karai Kasang hpe nawku hkungga nna shi a myit ra ai hku hte maren hkan sa galaw ai ni a ga hpe gaw madat nga ai.

ROMA 5:8

Rai ti mung, anhte yubak kap ai ni naw rai nga yang Hkristu gaw anhte a matu mara si hkam sai. Ndai hku nna Karai Kasang gaw anhte hpe gade wa tsaw ra mi ai lam madun dan mani ai.

1 TIMOHTI 1:15

Yubak kap ai ni hpe hkye hkrang la na matu Hkristu Yesu gaw mungkan ga de du sa ai nga ai ga gaw, tup hkrak hkap la nna kam sham ging ai teng man kangka re ai ga nan rai nga ai. Dai yubak kap ai ni hta ngai mahtang kaba htum ai wa rai nga nngai.

1 TIMOHTI 1:9

Kaja wa nga yang anhte a myit chye na da ra ai lam gaw; dai jep ai Tara gaw kaja ai masha ni a matu n rai; tara tawt lai ai ni hte si ging ai mara kaba lu ai ni, Karai kata ai hte yubak lu ai ni, nawku htung n hkan ai ni, makam masham shing n rai wenyi lam hta myit n lawm ai ni, tinang a kanu kawa ni hpe sat ai ni, masha sat ai ni a matu,

1 PETRU 4:18

Chyum Laika hta, “Kaja ai masha ni a matu hkye hkrang la hkrum na matu yak la a yang gaw, tara n hkan ai yubak lu ai ni gaw hpa byin sana kun?,” nga nna tsun ai.