LUKA 7:34 - Jinghpaw Common Language Bible 2009

³⁴ Dai Masha Kasha sa du nna, lu nga, sha nga ai rai yang mung, nanhte gaw, Ndai masha wa hpe yu mu! Shi gaw lu lai sha lai ai wa, kang hta ai ni hte kaga yubak kap ai ni a jinghku wa rai nga ai, bai nga myit dai.

Jinghpaw Hanson Version Bible

³⁴ Dai Masha Kasha sa du nna, lu nga sha nga rai nga yang mung, Ndai sha marim ai wa hte tsabyi lu shalai ai wa, kang hta ai ni hte yubak kap ai ni a jinghku wa hpe, yu mu, bai nga myit dai.

LUKA 7:34 ပူးပေါင်းရင်းမြစ်များ

MAHTE 11:19

Dai Masha Kasha du sa nna, lu let sha let nga ai shaloi, ‘Yu mu ndai wa gaw, sha marim ai wa, sabyi lu shalai ai wa, kang hta ai ni hte yubak kap ai ni a jinghku wa rai nga ai,’ nga nna bai tsun ma ai. Rai ti mung, Karai Kasang a hpaji byeng-ya chyawm gaw teng man nga ai lam hpe, dai hpaji ni a majaw byin wa ai akyu ni e sakse hkam ya nga ma ai,” ngu mu ai.

MAHTE 5:46

Nanhte gaw nanhte hpe tsaw ra ai ni hpe sha tsaw ra htang myit yang gaw, nanhte Karai Kasang kaw na hpa shabrai lu na myit ta?

MAHTE 9:11

Hparishe nkau mi dai hpe mu ma yang, shanhte gaw, “Nanhte a sara gaw kang hta ai ni hte rau hpa rai shat pawng sha a ta?,” nga nna shi a sape ni hpe san mu ai.

LUKA 11:37

Yesu ga tsun ngut ai shaloi, Hparishe langai mi gaw Madu hpe shi hte rau shat sha na shi a nta de shaga wu ai, shaloi shi shang nna shat sha na matu dung nga ai.

LUKA 14:1

Bansa Nhtoi langai mi hta, Hparishe ningbaw ningla langai mi a nta e, shat sha na nga, Yesu shang nga yang, masha ni shi hpe htep kaw nna la mada yu nga ma ai.

LUKA 15:2

Hparishe ni mung, Tara sara ni mung, “Ndai wa gaw Yubak kap ai ni hpe hkap la nna, shanhte hte rau lu, rau sha nga ai!,” nga nna aput angun nga ma ai.

LUKA 19:7

Dai hpe mu ai masha ni yawng gaw, “Ndai masha wa gaw, Yubak kap ai wa langai mi a nta hta shang manam sai,” nga nna aput angun nga ma ai.

LUKA 5:29

Shaloi Lewi gaw shi a nta e, Yesu a matu lusha poi kaba galaw wu ai, Manam ni hta kang hta ai ni law law hte kaga masha ni shanhte hte rau dung nga ma ai.

LUKA 7:33

Hpa majaw nga yang, Hkalup Sara Yawhan sa du nna, muk n sha, sabyi n lu ai nga yang mung, ‘Shi Nat kap ai wa rai nga ai,’ nga myit dai.

LUKA 7:35

Rai ti mung, Karai Kasang a hpaji byeng-ya hpe hkap la ai ni yawng chyawm gaw, dai hpaji byeng-ya teng man nga ai lam madun dan ma ai.”

LUKA 7:36

Hparishe langai mi gaw, shi kaw shana shat sha na matu Yesu hpe saw shaga wu ai. Dai rai nna, dai Hparishe a nta de Yesu shang nna sha na matu dung nga ai.

YAWHAN 12:2

Shaloi shanhte gaw shi hpe shana shat daw jaw mu ai rai nna, Marhta gaw shat lu sha jau nga ai; Lazaru gaw Yesu hte rau dung nga nna lu sha ai ni hta lawm ai wa langai mi rai nga ai.

YAWHAN 2:2

Yesu hte sape ni hpe mung, dai poi de shaga da mu ai.