LUKA 7:32 - Jinghpaw Common Language Bible 2009

³² Shanhte gaw, gat hkan e dung nga ai ma ni hte bung nga ma ai. Dai ma ni hta na hpung mi gaw kaga hpung mi hpe jahtau gintan nna tsun ai gaw, ‘Anhte gaw nanhte a matu, hkungran poi galaw chyai ai hku mahkawn sumpyi dum ya timung, nanhte n ka myit dai! Anhte makoi mayang poi galaw chyai ai hku yawn hkyen mahkawn, mahkawn ya timung, nanhte n hkrap myit dai!’

Jinghpaw Hanson Version Bible

³² Shanhte gaw, Nanhte a matu anhte sumpyi dum ga timung, nanhte n ka myit dai, Anhte sharung shayawt timung, nanhte n hkrap myit dai, nga nna gat hkan e dung let, shada da gintan hkat ai ma ni hte bung ma ai.

LUKA 7:32 ပူးပေါင်းရင်းမြစ်များ

GA SHAGAWP 17:16

Angawk ai wa a matu gumhpraw jai nna hpaji tam na gaw hpa akyu n nga nga ai, hpa majaw nga yang, shi hta chye chyang ai nyan n rawng nga ai majaw rai nga ai.

ZEHKARIA 8:5

Numsha, lasha hte ma ni mung nmaw lam hta bai ginsup ai hte hpring nga na mara ai.

MAHTE 20:3

Bai jahpawt hkying jahku daram hta, gat hkan shi bai pru sa nna hpa n galaw ai kaman tsap nga ai masha ni hpe mu hkrup jang, shi gaw,

LUKA 7:31

Yesu matut nna tsun ai gaw, “Ndai prat na masha ni hpe ngai hpa hte shadawn na rai ta? Shanhte hpa hte bung ma ta?

LUKA 7:33

Hpa majaw nga yang, Hkalup Sara Yawhan sa du nna, muk n sha, sabyi n lu ai nga yang mung, ‘Shi Nat kap ai wa rai nga ai,’ nga myit dai.