LUKA 7:25 - Jinghpaw Common Language Bible 2009

²⁵ Shing n rai, hpa hpe yu na sa myit ta? Mani tsawm ai bu hpun palawng bu hpun tawn ai wa hpe rai ni? Dai zawn tsawm htap ai bu hpun palawng bu hpun nna nhpaw n-ya ningngai nga lu ai gaw, hkawhkam htingnu ni hta mu lu nga ai.

Jinghpaw Hanson Version Bible

²⁵ Shing n rai, hpa yu na sa myit ta? mani ai hpun palawng bu hpun ai wa hpe rai ni? yu mu, tsawm htap ai hpun palawng bu hpun nna nhpaw n-ya rai nga lu ai ni gaw, hkawhkam a htingnu ni hta nga ma ai.

LUKA 7:25 ပူးပေါင်းရင်းမြစ်များ

2 SAMUELA 19:35

Ngai gaw asak matsat shi ning du nga sali ai; dai rai yang, pyaw hpa lam loi mi mung ngai hpe jaw ya lu sana n rai; lu ai sha ai mung chye chyim lu na n rai; yu ngwi shayi shadang sha ni a mahku nsen ni hpe na lu na nngai n rai. Ngai mahtang madu hkawhkam hpe lit mi a shali she rai na ra ai law.

1 HKAWHKAM 10:5

shi a sha ku ntsa hta daw jau ai lusha hpe mung, shi a du salang ni nga ai nta ni hpe mung, shi a hkawhkam hkaw na rung magam bungli galaw ai hpung kaba hte shanhte bu hpun sumli ai hking ni hpe mung, shi a lusha poi ni hpe daw jau ya nga ai shangun ma ni hpe mung, Nawku Htingnu hta shi nawng jau ya ai shagu hkungga ni hpe mung mu jang nsa pyi n lu sa la na daram mau kajawng mat wu ai.

2 HKAWHKAM 1:8

Shanhte gaw, “Dai wa gaw yam nga ahpyi hte galaw ai palawng galu hpe hpun nhtawm shanhpyi shingkyit langai kyit da nga ai,” ngu nna htan mu ai. Shaloi hkawhkam wa gaw, “Dai gaw Elia n rai a hka!,” ngu nna tsun wu ai.

ESHTA 1:11

Shi gaw shanhte hpe hkawhkam jan Washti hkawhkam janmau gup let shi hpang de jashawn la na matu hkang dat wu ai. Hkawhkam jan gaw ahpraw tsawm ai num rai nna shi a du salang ni hte saw shaga da ai manam ni yawng a man e shi a tsawm htap ai ahpraw hpe madun dan na hkawhkam wa ra sharawng nga ai.

ESHTA 1:3

Shi hkaw dung ai masum ning hta shi a du salang ni hte up hkang hpareng ni yawng a matu lusha poi langai galaw nga ai. Persi, Medi hpyen hpung ni mung kaga mungdaw munggyi ni hte arawng lu ai du magam ni mung nga nga ma ai.

ESHTA 4:2

hkawhkam htingnu chyinghka de shi shang wa ai aten du hkra hkrap agru nga ai. Lachyit sumpan bu hpun ai wa kadai mung kata de shang na ahkang n lu ai majaw shi kata de n shang lu nga ai.

ESHTA 5:1

Eshta gaw shi lusha gam ai masum ya ngu na shani hta hkawhkam hpun palawng ni hpe sumraw la nna, hkawhkam tingnyang gawk hte man chyaw re ai hkawhkam htingnu a kata wang hta tsap nga ai. Shaloi hkawhkam wa gaw shang wa chyinghka lam hte man chyaw na hkawhkam htingnu kata na shi a hkawhkam tingnyang hta dung nga ai.

ESHTA 8:15

Mordehkai gaw amut, ahpraw nsan ai hkawhkam palawng galu bu hpun nna shaba pu nsam rawng ai mani ai lachyit nba lawai let, hkik hkam ai ja janmau gup nhtawm hkawhkam htingnu kaw nna pru wa wu ai. Susa mare nmaw lam hkan nna kabu gara ai hte jahtau garu nga ma ai.

ESAIA 59:17

Shi gaw teng man rap ra ai tara ngu ai hpri palawng hpun nna hkye hkrang la ai daru magam n-gun ngu ai hpri gup chyawp chyawp na ra ai. Shi gaw amu ni hpe jaw hkra galaw na hte shut ai hku nni nkri hkam sha nga ai ni a matu ari jaw na hte matai htang na matu grai sharawng awng ai myit hte tinang hkum hta hpun da na ra ai.

MAHTE 11:8

Mani tsawm ai bu hpun palawng bu hpun ai ni gaw Hkawhkam htingnu hta nga ma ai.

MAHTE 3:4

Dai Yawhan gaw, gawla-uk mun hte da ai nba hpe bu hpun nna shanhpyi shingkyit hpe nshang e kyit da nga ai. Shi a lusha gaw, dinggam-yaw hte nam na lagat ntsin rai nga lu ai.

MAHTE 6:29

Rai ti mung, ngai nanhte hpe tsun made ai gaw, lu su dik ai Hkawhkam Shawlumon pyi dai nampan ni hta na langai mi zawn tsawm htap hkra bu hpun lu ai n rai.

LUKA 16:19

“Kalang mi na sahti wa langai mi nga ai. Shi gaw, hpu ging dik ai, hpun palawng bu hpun nna shani shagu pyaw pyaw ning ngai nga ai.

LUKA 7:24

Yawhan a kasa yan wa mat ai hpang, Yesu gaw Yawhan a lam hte lakap nna shawa masha ni hpe tsun hpang wu ai gaw, “Nanhte nam mali de Yawhan kaw sa ai shaloi hpa hpe hpu yu na myit mada nna sa myit ta? Nbung e kanga ai mai-aw hpe rai ni?

LUKA 7:26

Nanhte hpa hpe sa yu na matu pru sa ai lam ngai hpe tsun dan yu marit, myihtoi hpe rai ni? Kaja wa rai nga ai, rai ti mung, myihtoi hta grau kaba ai wa hpe nanhte mu manit dai.