LUKA 7:22 - Jinghpaw Common Language Bible 2009

²² Yawhan a kasa yan hpe shi htan mu ai gaw, “Wa nna Yawhan hpe, nan mu lu, na lu ai lam ni tsun dan mu, myi n mu ai ni myi bai mu lu ma ai; Lagaw hten ai ni bai hkawm sa ma ai; manggang kap ai ni san pra wa lu ma ai; na lahpang ai ni na lu ma ai; si mat ai ni sharawt la ai hkrum ma ai; matsan mayan ni hpe Kabu Gara Shiga hkaw dan nga ai.

Jinghpaw Hanson Version Bible

²² Shaloi htan let shi shan hpe, Na mana mu mamu hte maren Yawhan hpe wa tsun dan mu: myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu kabu gara shiga hkaw dan nga ai:

LUKA 7:22 ပူးပေါင်းရင်းမြစ်များ

YOBA 29:15

Ngai gaw myi n mu ai ni a matu myi; lagaw hten ai ni a matu lagaw rai nga nngai.

SHAKAWN KUNGDAWN 146:8

Myi n mu ai ni hpe myi shamu ya nna, kataw ai ni hpe shi sharawt la nga ai; shi a ding hpring ai masha ni hpe shi tsaw ra nga ai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

ESAIA 43:8

Karai Kasang gaw, “Nye a amyu masha ni hpe tara rung de shaga dat mu. Shanhte gaw myi tu ti mung myi n mu ma ai; shanhte gaw na tu ti mung na lahpang ma ai.

YEREMIA 31:8

Ngai gaw shanhte hpe dingdung maga de nna woi wa nhtawm, lamu ga htum ai shara kaw nna shanhte hpe shinggyin da na nngai. Myi n mu ai ni hte lagaw hten ai ni, hkum gawng li ai num ni hte shinggyim machyi hkrum ai num ni gaw shanhte hte rau sa wa na mara ai. Shanhte gaw amyu kaba bai tai wa na mara ai.

ZEHPANI 3:12

Ngai gaw shagrit shanem ai masha ni hte matsan mayan re ai masha ni hpe Yerusalem e jahti da nna shanhte gaw karum la lam lu na matu ngai hpang de sa wa na mara ai.

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

MAHTE 21:14

Myi kyaw ai ni hte lagaw hten ai ni gaw, dai htingnu kata de shi kaw du ma ai rai nna, shi shanhte hpe shamai shatsai ya mu ai.

LUKA 4:18

“Madu a Wenyi nye a ntsa e nga nga ai: matsan mayan ni hpe Kabu Gara Shiga hkaw tsun dan na matu, Shi ngai hpe namman jaw ya ni ai. bawng dung ai ni hpe shalawt lu na lam, myi kyaw ai ni hpe myi bai mu na lam, hkaw tsun na matu mung, zingri zingrat hkrum ai ni hpe dat dat shangun na hte,

LUKA 7:21

Dai ahkying e nan Yesu gaw, shanhte a machyi makaw ni, ana ahkya ni hte n hkru ai nat kap ai ni hpe shamai kau ya mu ai, myi kyaw ai masha law law hpe mung myi bai mu lu shangun mu ai.

LUKA 7:23

Ngai hta myit kataw ai lam n mu ai ni kadai mung a lu nga ai,” ngu nna tsun mu ai.

YAWHAN 1:46

Nahtanela gaw, “Nazaret mare na arai kaja lama mi pru lu a ni?,” ngu nna htan wu ai. Hpilip gaw “She sa yu rit,” ngu nna htan wu ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

KASA 8:7

N seng ai nat shung nga ai masha ni law law kaw nna nat ni gaw nsen kaba hte jahtau marawn let pru mat shajang ma ai. Lagaw hten ai ni hte katsing si ai ni law law mung mai mat shajang ma ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.