LUKA 7:21 - Jinghpaw Common Language Bible 2009

²¹ Dai ahkying e nan Yesu gaw, shanhte a machyi makaw ni, ana ahkya ni hte n hkru ai nat kap ai ni hpe shamai kau ya mu ai, myi kyaw ai masha law law hpe mung myi bai mu lu shangun mu ai.

Jinghpaw Hanson Version Bible

²¹ Dai ahkying e nan shi gaw masha law law hpe machyi makaw, ana ahkya hte n hkru ai nat hta na shamai kau ya mu ai: myi kyaw ai masha law law hpe mung, myi bai mu ai chyeju jaw mu ai.

LUKA 7:21 ပူးပေါင်းရင်းမြစ်များ

1 HKAWHKAM 8:37

“Dai mungdan hta hkuwa wa ai, ana zinli, kahtet kang ai nbung a majaw hten za mat ai nsi naisi, dinggam-yaw prang hkawm ai, na a amyu masha ni gumlau hpyen ni e htim gasat hkrum ai,

JAW JAU 14:48

Dai nta hpe ing gade nnan chya ngut ai hpang, hkinjawng wa sa yu yang nshu lamu n jat wa sayang gaw nshu lamu tsep kawp la kau sai majaw nta dai hpe san seng sai ngu na rai nga ai.

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MARKU 3:10

Masha law law hpe shi shamai ya nu ai majaw, machyi makaw hkrum ai masha ni law law shi hpe ahtawk la lu hkra nga nna shi kaw anin shadut shang wa ma ai.

MARKU 5:29

Numsha gaw Yesu a palawng hpe ahtawk wu ai shaloi jang, shi a sai htaw ai lam hkring mat nna shi a ana mai mat sai hpe shi hkum dai dum chye wu ai.

MARKU 5:34

Yesu gaw, “Nye a shayi sha e, na a kam sham ai myit gaw nang hpe shamai ya nit dai. Ngwi pyaw ai hte wa su, na a machyi ai atsu atsam mai wa nu ga,” ngu nna tsun dat wu ai.

LUKA 7:20

Dai yan gaw Yesu kaw du jang, “Hkalup sara Yawhan gaw nang hpe san yu na matu an hpe shangun dat mi ai. Nang gaw Hkalup sara Yawhan shi tsun da ai dai du sa na ra ai wa rai nga n ni? Shing n rai, kaga hpe anhte naw myit mada lu na rai nga a ni?,” ngu nna tsun mu ai.

HEBRE 12:6

Hpa majaw nga yang, Karai Kasang gaw shi tsaw ra ai masha shagu hpe sharin shaga nna, Shi a kasha hku hkap la mala hpe ari jaw chye nga ai,” nga nna nanhte hpe shi a kasha ni re ai hku nna n-gun jaw tsun shaga ai ga ni hpe nanhte malap kau manit ni?