LUKA 7:2 - Jinghpaw Common Language Bible 2009

² Dai mare kaw nga ang ai Roma hpyen du langai mi hta, shi grai tsaw ra ai shangun ma langai mi nga ai. Dai wa gaw machyi nna si wa magang nga ai.

Jinghpaw Hanson Version Bible

² Dai shaloi hpyen du langai mi a tsawra ai shangun ma gaw machyi nna, si wa magang nga lu ai.

LUKA 7:2 ပူးပေါင်းရင်းမြစ်များ

NINGPAWT NINGHPANG 24:27

Shi gaw, “Nye a madu hta shi a ga sadi hte maren, sadi sahka hte shatup ya sai nye a madu Abraham a Karai Kasang dai Madu a nga u ga law. Dai Madu gaw ngai hpe nye madu a amyu bawsang ni nga ai de ading sha woi wa ni ai,” ngu nna tsun ai.

NINGPAWT NINGHPANG 35:8

Rebeka hpe yu lajang ai Debora si mat nna, Behtela a dingda maga na wamyi hpun nhpang e lup makoi kau mu ai. Dai rai nna dai hpun hpe, “Hkrap Ai Wamyi Hpun,” ngu nna shamying mu ai.

YOBA 31:5

N hkru ai amu hpe ngai galoi mung n galaw ai hte kaga masha ni hpe galoi mung n masu hkalem nga ai hpe ngai dagam nngai.

GA SHAGAWP 29:21

Ma kaji prat kaw nna shi ra ai hpa hpe rai tim, nang na a shangun ma wa hpe jaw shalan tawn da ai rai yang, shi gaw lani mi na nhtoi hta nang madu da ai arai yawng hte hpe madu la kau ya na ra ai.

MAHTE 27:54

Ya hpyen la dap kung langai mi up ai du wa hte shi hte rau Yesu hpe sin nga ai hpyen la ni gaw nnang nawn hte byin mabyin ni hpe mu mu yang, shanhte hkrit kahpra nna, “Kaja wa ndai wa gaw Karai Kasang a Kasha nan rai nga ai,” nga ma ai.

LUKA 23:47

Shing rai byin ai lam hpe hpyen latsa up ai du wa mu wu yang, “Kaja wa ndai wa gaw masha kaja langai mi she rai nga ai!,” nga nna Karai Kasang hpe shagrau sha-a wu ai.

LUKA 7:1

Dai shaloi Yesu gaw shawa masha ni hpe ndai lam ni yawng tsun ngut ai hpang, Kaperna-um mare de sa mat wa ai.

LUKA 7:3

Dai du wa gaw Yesu a lam na jang, Yuda agyi salang nkau ni hpe shangun dat nna, shi a shangun ma hpe sa shamai ya na, Yesu hpe hpyi dat wu ai.

LUKA 8:42

Hpa majaw nga yang asak shi lahkawng ning du sai shi a shayi sha shingtai machyi nna si wa magang nga lu ai. Yesu hkan sa wa nga yang, shawa masha ni shi hpang de shadut bang wa ma ai.

KASA 10:1

Kesare mare e, Korneli ngu ai wa langai mi nga ai. Shi gaw Itali dap ngu ai Roma lagaw dap hta hpyen latsa rawng ai dap kung langai mi a du wa rai nga ai.

KASA 10:7

Dai lamu kasa wa mat ai hpang Korneli gaw shangun ma lahkawng hte shi kaw tut hkan nga ai ni hta na tara hkungga ai hpyen la langai mi shaga la nna,

KASA 22:26

Hpyen du wa dai na jang, hpyen du kaba kaw wa nna, “Nang hpa galaw maw nga n ta? Dai wa gaw Roma mungchying sha rai nga ai!,” ngu nna shana ya wu ai.

KASA 23:17

Pawlu mung hpyen dap kung langai mi up ai hpyen du wa hpe shaga la nna, “Ndai ma hpe dap up du kaba wa hpang de woi wa ya e; shi lama mi tsun mayu ai da,” ngu dat dat wu ai.

KASA 27:1

Hpestu gaw anhte hpe Itali mung de sa dat na myit daw dan ngut jang, Pawlu hte kaga bawng nkau mi hpe Hkawseng wa a hpyen ma latsa rawng ai dap up ai Yuli ngu ai du wa a lata hta ap dat mi ai.

KASA 27:3

Hpang shani e anhte Sidon mare de du ga ai, Yuli gaw Pawlu hpe matsan dum nna shi a jinghku ni kaw sa jahkrum na hte shi hta ra kadawn ai lam ni jaw ya, galaw da na ahkang jaw mu ai.

KASA 27:43

Rai ti mung, dap up du wa gaw, Pawlu hpe hkye la mayu nna hpyen la ni maw ai hpe hkum kau nhtawm, shing rai na malai hka hpungyawt chye ai ni yawng sanghpaw ntsa na shawng gumhtawn hkrat nna hkarang de kaw pru wa na hkang da mu ai.

KOLOSE 3:22

Mayam ni e nanhte a shinggyim madu ni hpe lam shagu hta madat mara nga mu: nanhte gaw myi man pa mayu ai hte shanhte a man e ga madat ai hku n re ai sha, Karai Kasang hpe hkrit hkungga let shanhte a ga hpe san seng ai myit hte madat mara nga mu.