LUKA 7:12 - Jinghpaw Common Language Bible 2009

¹² Dai mare chyinghka de shi du magang yang, si mat ai masha langai mi hpe lup makoi na matu mang hpai ai ni hpai pru sa wa mara ai; si ai wa gaw gaida jan langai mi a shadang sha shingtai rai nga ai; mare masha law law mung dai num hte rau hkan sa nang ma ai.

Jinghpaw Hanson Version Bible

¹² Dai mare chyinghka de du magang yang, yu mu, si mat sai masha langai mi a moi mang hpe hpai kau sa wa nga ma ai; si ai wa gaw kanu a kasha shingtai rai nga ai; kanu mung gaida rai nga ai; mare masha law law mung dai num hte rau hkan sa nang ma ai.

LUKA 7:12 ပူးပေါင်းရင်းမြစ်များ

NINGPAWT NINGHPANG 22:12

Lamu kasa gaw, “Dai ma hpe hkum hkra et; shi hpe hpa mung hkum di et. Na a shadang sha shingtai shi hpe jaw na nang n kanung nga nit dai majaw Karai Kasang hpe nang hkrit hkungga ai hte madat mara nga ndai hpe ya ngai chye ni ai,” ngu nna htan wu ai.

NINGPAWT NINGHPANG 22:2

Karai Kasang gaw, “Nang grai tsaw ra ai na a shadang sha shingtai Isak hpe woi nna Moria ga de sa wa su. Ngai nang hpe madun na de ai bum ntsa e, shi hpe shagu hkungga shatai nna ngai hpe nawng jau e,” ngu nna tsun wu ai.

2 SAMUELA 14:7

Ya rai yang mung, Madu e, nye a amyu makyin jinghku ni ngai hpe nhtang gumlau nhtawm shi a kahpu hpe sat kau ai a majaw shi hpe mung sat lu na matu shanhte a lata de nye a kasha hpe ap ya na hpyi nga ma ai. Dai zawn shanhte galaw ma ai rai yang gaw shadang sha langai mi mung n lu mat ai sha kau da ai hkrum na nngai. Nye a hpang jahtum na myit mada lam hpe jahten sharun kau ya nna nye a madu wa a mying ahkrung nga shangun na matu shi a amyu matu shadang sha hpe jahtum kau ya na mara ai,” ngu nna htan wu ai.

1 HKAWHKAM 17:12

Shi gaw, “Ngai muk hpa mung n lu nngai gaw, ahkrung nga ai dai Madu na a Karai Kasang hta ngai dagam lu nga nngai. Ban hta muk shadung latup mi hte yam e tsanlun sau kahte mi sha lu nngai; dai gaw ngai lu ai yawng rai sai. Nang e ju hpun loi mi hpe ngai sa hta nna dai hpe nta de la wa nhtawm nye kasha hte nye a matu ngai lu ai kachyi mi hte lajang shachyip na nngai. Dai gaw an nu a matu hpang jahtum ngu na lusha rai sai; dai hpang an gaw kyet si mat na saga ai,” ngu nna htan wu ai.

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

1 HKAWHKAM 17:23

Shing rai ma dai hpe Elia sharawt la nna lawu htap de woi yu wa nhtawm kanu hpe ap ya let, “Yu u, na nsha hkrung nga sai!,” ngu nna shi hpe tsun wu ai.

1 HKAWHKAM 17:9

“Ya chyawm gaw Sidon makau e nga ai Zarephta mare de sa wa su, dai yang e shanu nga ai gaida jan langai nang hpe lusha jaw na matu ngai hkang da ni ai,” ngu nna tsun wu ai.

2 HKAWHKAM 4:16

Elisha gaw dai numsha hpe, “Htaning ndai aten hta, na a lata hta shadang sha lu pawn na rai ndai,” ngu nna tsun wu ai. Dai numsha gaw, “Oh! madu e, chyeju hte ngai hpe hkum masu et. Nang gaw Karai Kasang a masha langai mi rai nga ndai!,” ngu nna tsun wu ai.

2 HKAWHKAM 4:20

Dai ma hpe kanu hpang de woi wa ngut jang, shi gaw jan pungding madi ai aten du hkra kanu a lahpyen e adung nga nna si mat wa sai.

YOBA 29:13

Htum hkra nni nkri hkrum sha ai ni mung ngai hpe shakawn ma ai; ngai gaw gaida jan ni hpe shim lam mu la hkra karum nngai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

LUKA 7:11

Dai hpang gade n na yang, Na-in ngu ai mare de shi sa wa ai rai nna, shi a sape ni hte shawa masha hpung kaba mung, shi hte rau sa wa ma ai.

LUKA 7:13

Madu gaw, dai gaida jan hpe mu jang, shi hpe matsan yu dum nna, “Hkum hkrap et,” shi hpe ngu wu ai.

LUKA 8:42

Hpa majaw nga yang asak shi lahkawng ning du sai shi a shayi sha shingtai machyi nna si wa magang nga lu ai. Yesu hkan sa wa nga yang, shawa masha ni shi hpang de shadut bang wa ma ai.

LUKA 8:52

Yawng mayawng gaw, dai ma a majaw, hkrap ngu hkrap ngoi nga nna sharung shayawt nga ma ai. Yesu gaw, “Hkum hkrap myit, shi si ai n rai, yup pyaw nga ai,” ngu mu ai.

YAWHAN 11:19

Yuda masha ni law law wa Marhta yan Mari a kayung wa Lazaru si mat ai majaw sa shalan na matu sa du ma ai.

KASA 9:39

Shaloi Petru rawt nna dai yan hte rau hkan sa wa ai. Shi du ai shaloi ntsa gawk de woi shawn mu ai. Dai yang e gaida jan ni nlang Petru a makau e tsap gum bawm nna naw hkring nga yang, Dorka chywi ai kata palawng ni ntsa palawng ni hpe madun dan let, hkrap nga ma ai.

KASA 9:41

Petru mung lata ladawn nna gang sharawt la wu ai. Dai hpang gaida jan ni hte kam sham ai hpung masha ni yawng hpe shaga la nna asak bai hkrung wa ai Dorka hpe ap ya mu ai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.