LUKA 6:7 - Jinghpaw Common Language Bible 2009

⁷ Tara sara nkau mi hte Hparishe nkau mi gaw, Madu hpe mara shagun lu hkra lam tam mayu ai majaw, Bansa Nhtoi hta dai wa hpe shamai ya na ra ai kun? nga nna shi hpe gyam yu nga ma ai.

Jinghpaw Hanson Version Bible

⁷ Dai rai nna, laika ka ai sara ni hte Hparishe ni gaw, shi hta mara shagun lu hkra, “Laban nhtoi hta shamai ya na ra ai kun?” nga nna shi hpe gyam yu ma ai:

LUKA 6:7 ပူးပေါင်းရင်းမြစ်များ

SHAKAWN KUNGDAWN 38:12

Ngai hpe sat mayu ai ni, nye a matu mahkam hkam da nga nna, ngai hpe machyi shangun mayu ai ni mung ngai hpe jahten shabyak lu na matu jahkrit shama nga ma ai; shanhte gaw ngai hpe n sim n sa n kaja ai lam maw mawn nga ma ai.

ESAIA 29:21

Kaga masha ni hpe shatan nhkan ga tsun ai ni, masha sat amu a ari hpe hkum shingdang ai ni hte ding man ai masha ni hpe teng man rap ra ai tara kaw na gang kau let masu magaw ga tsun ai ni hpe Karai Kasang jahten kau na ra ai.

YEREMIA 20:10

Masha shagu gaw, “Hkrit hpa gaw shara shagu hkan nga nga ai! shing rai anhte shi hpe ahkaw ahkang lu ai ni hpang de tang madun ga!,” nga nna kadum kahte tsun ai ga hpe ngai na nngai. Nye a hku hkau ai jinghku ni pyi nye a hkrat sum na lam hpe la mada yu nga ma ai. Shanhte gaw, “Shi hpe mahkoi lau la lu nhten; shaloi anhte shi hpe lu rim ai hte matai dawp lu na ga ai,” nga nna tsun ai.

MAHTE 5:39

Rai ti mung ya, ngai mahtang nanhte hpe tsun made ga, nanhte hpe shut ai masha langai ngai hpe hpa mung hkum tai mu; na a hkra shabyi bye ya ai wa hpe pai shabyi naw ja ya u.

MARKU 3:2

Dai yang e Yesu hpe tara n hkan ai ngu nna mara shagun mayu ai masha nkau mi nga ma ai rai nna, Bansa Nhtoi hta dai wa hpe shamai ya na ra ai kun?, nga nna htep kaw nna la yu nga ma ai.

LUKA 13:14

Shing rai, Yesu Bansa Nhtoi e shamai ya ai majaw, tara jawng agyi wa masin pawt ai hte shawa masha ni hpe, “Anhte amu galaw mai ai nhtoi kru ya nga ai; dai nhtoi ni hta sa nna shamai la mu; Bansa Nhtoi hta gaw hkum sa myit,” ngu nna tsun mu ai.

LUKA 20:20

Dai majaw shanhte gaw ahkaw ahkang ginjang langai mi tam ma ai. Shanhte gaw madu a ga hta mara tam nhtawm, Madu hpe ahkang aya atsam lu ai Roma munggyi a lata de ap kau lu na matu ding man hpyi hpun masu ai kin-yu masha ni hpe mayun kumhpa jaw nna Madu hpang de shangun dat ma ai.

YAWHAN 9:16

Shaloi Hparishe ni nkau mi gaw, “Dai wa gaw Bansa Nhtoi a Tara hpe n hkan n sa ai majaw, Karai Kasang kaw na du sa ai wa n rai,” nga ma ai. Bai nkau mi gaw, “Yubak lu ai wa langai gaw ning re ai lamik kumla ni hpe kaning rai galaw lu na a ta?,” nga ma ai. Shing nga nna shanhte a kata hta myit hkrum ai lam n nga ai, shai wa bra wa ma ai.