LUKA 6:42 - Jinghpaw Common Language Bible 2009

⁴² Tinang a myi hta rawng ai hpuntawng hpe n mu lu ai wa mi, ‘Hpu nau wa e, na a myi hta rawng ai nbun hpe ngai naw lai kau ya de ga!,’ nga nna hpu nau wa hpe kaning rai tsun lu n ta? Sawt ai wa e! Na a myi hta na hpuntawng hpe shawng la kau u; dai hpang na nhpu nnau wa a myi hta rawng ai nbun hpe lai kau ya na matu nang asan sha mu na rin dai.

Jinghpaw Hanson Version Bible

⁴² Tinang myi hta rawng ai hpuntawng hpe pyi, n mu ai wa mi, ‘Hpunau wa e, na myi hta rawng ai nbun hpe ngai naw lai kau ya de ga,’ nga nna nhpu nnau wa hpe kaning rai tsun lu n ta? Sawt ai wa e, na a myi hta na hpuntawng hpe shawng lai kau u; dai hpang, na nhpu nnau wa a myi hta rawng ai nbun hpe lai kau ya na, nang asan sha mu na rin dai.

LUKA 6:42 ပူးပေါင်းရင်းမြစ်များ

GA SHAGAWP 18:17

Tara rung e, shawng sa tsun ai wa gaw shi hpe ninghkap shingdang ai wa shi hpe san sagawn yu ai aten du hkra, tut nawng teng man ai zawn rai nga ai.

MAHTE 26:75

Dai rai nna Petru gaw, “U garai n goi yang, nang ngai hpe n chye nngai nga nna masum lang nyet kau na rin dai,” nga nna Yesu tsun ai ga hpe bai myit dum dat wu ai. Shaloi shi gaw shinggan de pru nna ja ja hkrap nga ai.

MAHTE 7:3

Dai rai yang nanhte gaw tinang a myi hta rawng ai hpun tawng hpe n myit shakru ya ai mi, na nhpu nnau wa a myi hta rawng ai nbun hpe, hpa rai yu nga n ta?

MAHTE 7:4

Na a myi hta hpun tawng rawng nga nlen, ‘chyeju hte na a myi hta na nbun hpe ngai lai kau ya de ga,’ ngu nna na nhpu nnau wa hpe nang kaning rai tsun gwi lu n ta?

LUKA 13:15

Shaloi, dai Madu gaw shi hpe, “Sawt ai masha ni nanhte hta na kadai mung, Bansa Nhtoi e tinang a dumsu, lawze ni hpe ntsin shayaw na matu wulawng kaw na raw dat nna woi sa ga myit dai.

LUKA 22:32

Rai ti mung, na a kam sham ai myit n hten lit ga ngu nna, nang Simun a matu ngai akyu hpyi da ni ai. Shing rai nang ngai hpang de bai kayin dum wa yang, na nhpu nnau ni hpe shangang shakang ya lu na rai ndai.”

LUKA 6:41

“Tinang a myi hta rawng ai hpun tawng hpe shawng n myit yu ai mi, na nhpu nnau wa a myi hta rawng ai nbun hpe hpa rai yu nga n ta?

LUKA 6:43

“Kaja ai hpun gaw, n kaja ai asi n si ai; dai hte maren, n kaja ai hpun mung, kaja ai asi n si ai.

KASA 13:10

“Nat a kasha e! Nang gaw mai kaja ai lam shagu a hpyen wa rai nga ndai. Nang hta myit magaw hkalem hkalau ai lam yawng hpring nga ai rai nna nang gaw galoi mung Madu a teng man ai lam hpe masu ndum shatai kau ai wa rai nga n hka!

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

KASA 8:21

Karai Kasang a man e na a myit masin n ding n hpring nga lit dai majaw, anhte galaw ai amu hta na a matu kamhtaw hpa mung lawm lu na ndai n rai.

ROMA 2:1

Jinghku wa e, nang gaw masha kaga wa hpe jeyang daw dan nga n ni? Nang gaw kadai wa mi rai nga ti mung, na a mara raw lu hkra jahpai na lam mi n nga mat salit dai. Hpa majaw nga yang, nang gaw masha kaga wa hte maren sha yubak galaw ai wa rai nga da ninglen masha kaga wa hpe jeyang daw dan n yang gaw na hkum hpe mahtang nang daw dan kau da wu ai.

2 KORINHTU 5:18

Dai lam yawng mayawng hpe chyawm gaw Karai Kasang e galaw nu ai, Karai Kasang gaw anhte hpe shi a hpyen ni tai nga ai kaw nna shi a jinghku ni tai wa na matu Hkristu Yesu a marang e galai shai mat shangun mi ai hte, kaga masha ni hpe mung shi a jinghku ni tai wa shangun na matu anhte hpe amu lit ap ya mani ai.

2 TIMOHTI 2:21

Marai langai ngai gaw tsun lai wa sai n hkru n kaja ai lam ni yawng hta na tinang hkum hpe jasan kau ai rai yang, shi gaw Madu a lak san shatawng shada ai lam ni hta jai lang ai hkam la na ra ai; hpa majaw nga yang shi gaw, mai kaja ai amu shagu hpe galaw na jin jin rai nga u ga shi Madu a matu akyu rawng lam la ai hta ap nawng da sai wa rai nga ai.

2 PETRU 1:9

Rai ti mung dai atsam ni hpe n lu la ai ni kadai mung tsan tsan n mu mada ai, myi n mu ai wa rai nna shi a lai wa sai yubak mara ni kaw nna jasan jaseng la hkrum sai lam hpe nan malap mali di kau nu ai.