LUKA 6:41 - Jinghpaw Common Language Bible 2009

⁴¹ “Tinang a myi hta rawng ai hpun tawng hpe shawng n myit yu ai mi, na nhpu nnau wa a myi hta rawng ai nbun hpe hpa rai yu nga n ta?

Jinghpaw Hanson Version Bible

⁴¹ Tinang myi hta rawng ai hpuntawng hpe n myit yu ai mi, na a nhpu nnau a myi hta rawng ai nbun hpe, hpa rai yu nga n ta?

LUKA 6:41 ပူးပေါင်းရင်းမြစ်များ

1 HKAWHKAM 2:32

Yoab gaw shi hta grau kaja nna mara n kap ai masha lahkawng rai nga ai Israela hpyen luksuk hpe up hkang ai Abna hte Yuda hpyen luksuk hpe up hkang ai Amasa yan hpe, nye wa Dawi n chye ai sha sat kau nna shut kau ai ru hka amu a majaw dai Madu gaw shi hpe ari jaw na rai wu ai.

1 HKAWHKAM LABAU 21:6

Yoab chyawm gaw hkawhkam wa a hkang da ai ga hpe n ra sharawng wu ai majaw Lewi hte Benyamin amyu bawsang ni hpe yuptung jahpan hta n bang la wu ai.

SHAKAWN KUNGDAWN 36:2

Hpa majaw nga yang, shi gaw shi hkum shi grai rai la sai ngu nna myit la nga ai; Karai Kasang gaw shi a yubak hpe n mu tam ai hte dai hpe daw dan jeyang na n rai, nga nna shi myit nawn la nga ai.

YEREMIA 17:9

“Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.

EZEKELA 18:28

Shi gaw shi hpa galaw yu sai amu ni hpe chye myit dum wa ai hte yubak galaw ai amu hpe kau da ai rai yang, shi gaw teng teng n si na ra ai, shi matut nna asak hkrung nga lu na ra ai.

MAHTE 7:1

“Karai Kasang e jeyang ai n hkrum myit ga, masha kaga ni hpe hkum jeyang myit,

MARKU 8:7

Nga loi mi sha shanhte lu nga ma ai rai nna, Yesu gaw dai ni a matu chyeju shakawn ngut jang, dai ni hpe mung garan jaw na matu hkang da wu ai.

LUKA 6:40

Sape gaw shi a sara hta grau ai n rai; rai ti mung, sape shagu gaw, shi sharin la ai hpaji hkum hkra sharin la ai hpang, tinang a sara zawn rai na ra ai.

LUKA 6:42

Tinang a myi hta rawng ai hpuntawng hpe n mu lu ai wa mi, ‘Hpu nau wa e, na a myi hta rawng ai nbun hpe ngai naw lai kau ya de ga!,’ nga nna hpu nau wa hpe kaning rai tsun lu n ta? Sawt ai wa e! Na a myi hta na hpuntawng hpe shawng la kau u; dai hpang na nhpu nnau wa a myi hta rawng ai nbun hpe lai kau ya na matu nang asan sha mu na rin dai.

YAWHAN 8:7

Shanhte shing nga kahtap nna bai san san rai ma ai majaw, shi rawt mada yu nhtawm, “Nanhte hta mara n galaw yu ai wa, shi hpe shawng nlung hte kabai mu,” ngu nna shanhte hpe tsun mu ai.

ROMA 2:1

Jinghku wa e, nang gaw masha kaga wa hpe jeyang daw dan nga n ni? Nang gaw kadai wa mi rai nga ti mung, na a mara raw lu hkra jahpai na lam mi n nga mat salit dai. Hpa majaw nga yang, nang gaw masha kaga wa hte maren sha yubak galaw ai wa rai nga da ninglen masha kaga wa hpe jeyang daw dan n yang gaw na hkum hpe mahtang nang daw dan kau da wu ai.

YAKU 1:24

Shi gaw shi hkum nan hpe atsawm sha yu la nhtawm pru hkawm mat wa ai hte rau shi a gawng shingyan hpa hte bung ai hpe malap kau ai wa hte bung nga ai.