LUKA 6:38 - Jinghpaw Common Language Bible 2009

³⁸ Masha ni hpe jaw mu, shing rai jang Karai Kasang mung nanhte hpe jaw na marin dai, kaja wa hpring kabrat anin garin nna teng man ai dang hte nanhte a lata hta hkap la lu ai made ru jaw bang ya na ra ai; nanhte masha ni hpe hteng ya ai dang hte maren, Karai Kasang gaw nanhte hpe bai hteng ya na marin dai,” ngu nna tsun mu ai.

Jinghpaw Hanson Version Bible

³⁸ Jaw mu, shing rai jang, nanhte hpe jaw na marin dai: hpring kabrat hkra anin garin, man ai dang hte nanhte a lahpyen e shanhte jaw na mara ai: kaning rai nme law, nanhte hteng ya ai dang hte, nanhte hpe bai hteng ya na marin dai.

LUKA 6:38 ပူးပေါင်းရင်းမြစ်များ

2 SAMUELA 19:36

Dai zawn kaba la ai shagrau kumhpa hpe n hkam la ging nga nngai. Dai re ai majaw Yawdan hka wora hkran de nang hpe loi mi hkan sa dat na de ai.

ESHTA 7:10

Dai re ai majaw Mordehkai a matu Haman galaw da ai masha sat shara hta noi sat kau hkrum nga wu ai. Shaloi hkawhkam wa a masin kahtet ai gaw kawp mat wu ai.

ESHTA 9:25

Rai ti mung Eshta gaw hkawhkam wa kaw shang nna hkawhkam wa ndau laika ka shapraw dat ai majaw Yuda masha ni a matu shi lajang maw mawn kau nu ai gam maka a nni nkri hpe Haman hkam sha nu ai; shi hte shi a shadang sha ni masha sat shara hta noi da ai hkrum nga masai.

YOBA 42:11

Yoba a kahpu kanau ni, kajan ni hte shawng de na manang ni yawng shi kaw sa chyai nhtawm shi hte rau shi a nta e rau lu rau sha nga ma ai. Shanhte gaw dai Madu shi hpe hkrum shangun ai ru yak tsin-yam tsindam mahkra a majaw, shanhte matsan yu dum ai lam tsun nna shi hpe shalan shabran ma ai. Shanhte langai hte langai mung shi hpe gumhpraw hte ja lachyawp langai ngai jaw ma ai.

SHAKAWN KUNGDAWN 79:12

Madu e, maigan mungdan ni a n kaw n law re ai hte nang hpe kabai tawn nga ma ai majaw, shanhte hpe sanit lang ari bai htang jaw u.

PRU MAT 21:24

myi a matu myi, wa a matu wa, lata a matu lata, lagaw a matu lagaw,

GA SHAGAWP 10:22

Dai Madu a shaman chyeju gaw nang hpe ngamu ngamai shangun nna, bungli shaja ai gaw na sut gan hpe yawn hkyen lam jat ya nga ai n rai.

GA SHAGAWP 19:17

Matsan mayan wa hpe nang jaw ai gaw dai Madu hpe hkoi ya ai hte bung nga ai rai nna; dai Madu gaw nang hpe bai htang jaw na ra ai.

GA SHAGAWP 22:9

Ndaw nhta jaw ya u; Na a lusha matsan mayan wa hpe garan ya u, shaloi dai amu a majaw shaman ai chyeju nang hkam la na rin dai.

YEREMIA 32:18

Nang gaw masha hkying mun ni hpe dinggrin tsaw ra myit madun dan ti mung, shanhte a kanu kawa ni a shut hpyit ai yubak ni a majaw amyu masha ni hpe mung, ari jaw nga ndai. Nang gaw galu kaba ai hte daru magam n-gun rawng ai Karai Kasang rai nga ndai; nang gaw Chyahtum Chyalai N-gun Rawng ai Madu rai nga ndai.

MAHTE 10:42

Ngai nanhte hpe teng teng tsun made ai gaw, nye a sape myi man hpe tau nna, nye a sape ni hta na kaji dik ai wa hpe ntsin katsi gawm mi sha jaw wu yang, shi gaw nye a sape rai nga ai majaw, dai jaw ai wa gaw shabrai teng teng n lu la ai nga na n rai,” ngu nna tsun mu ai.

MAHTE 7:2

hpa majaw nga yang, nanhte masha kaga ni hpe jeyang ai hte maren Karai Kasang gaw nanhte hpe jeyang na marin dai; nanhte masha kaga hpe jeyang ai shaloi lang ai tara hte maren nanhte hpe jeyang na ra ai.

MARKU 4:24

Dai hta kaga Yesu gaw, “Nanhte na lu ai lam hpe atsawm sha madat mu! Nanhte masha kaga ni hpe jeyang ai shaloi lang ai tara ni hte maren, nanhte hpe jeyang ai shaloi Karai Kasang lang na ra ai, rai ti mung dai hta grau nna pyi laja ai rai na ra ai.

LUKA 6:30

Nang kaw hpyi ai wa kadai hpe mung jaw u; Marai langai ngai na a arung arai la kau ya ai shaloi bai hkum hpyi mu.

TARA JAHPRANG 15:10

Shi hpe shawang myit kaba hte myit kraw asan sha hte n dut n dang jaw ya mu. Shing rai nanhte galaw ai lam magup hta dai Madu nanhte hpe shaman ya na ra ai.

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.

TARA AGYI 1:7

Adonibezek gaw, “Lata yungnu hte lagaw yungnu kaba ni kahtam di kau hkrum ai hkawhkam sanit shi hte gaw nye a sha ku npu e shat ahkyep ahkap hta sha ma ai; ya chyawm gaw shanhte hpe ngai galaw ai zawn Karai Kasang ngai hpe bai tai nu ai,” ngu nna tsun wu ai. Shi gaw Yerusalem mare de woi la hkrum ai hte dai yang e si mat wu ai.