LUKA 6:36 - Jinghpaw Common Language Bible 2009

³⁶ Nanhte a Kawa Karai Kasang matsan dum chye ai hte maren, nanhte mung matsan chye dum mu.

Jinghpaw Hanson Version Bible

³⁶ Nanhte a Kawa matsan dum chye ai hte maren, nanhte mung matsan chye dum mu.

LUKA 6:36 ပူးပေါင်းရင်းမြစ်များ

MAHTE 5:48

Dai majaw sumsing lamu na nanhte a Kawa gaw kup tsup nga ai hte maren, nanhte mung kup tsup nga mu.

LUKA 6:35

Nanhte chyawm gaw, nanhte a hpyen ni hpe tsaw ra mu; hpa mung lu la na n myit mada ai sha hkoi shap ya mu. Shing rai yang, nanhte shabrai kaba lu na hte, Tsaw Htum ai Karai Wa a kasha ni mung nanhte tai na marin dai; hpa majaw nga yang shi gaw chyeju malap kau ai ni hte, n hkru n hkra re ai ni hpe chyeju galaw mu ai.

LUKA 6:37

“Masha ni hpe hkum jeyang myit, shaloi she Karai Kasang mung nanhte hpe n jeyang na ra ai, masha ni hpe mara hkum shagun mu, shing rai yang, Karai Kasang mung nanhte hpe mara n shagun na ra ai. Masha ni hpe mara dat ya mu, shaloi Karai Kasang mung nanhte hpe mara dat ya na ra ai.

EHPESU 4:31

Dai majaw myit machyi ai, sindawng kahtet ai, masin pawt ai, marawn ahkre ai, n kaw n law di ai, n ju n dawng ai myit amyu myu hte kaga dai hte bung ai lam ni yawng mayawng hpe yeng seng kau mu.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.