LUKA 6:33 - Jinghpaw Common Language Bible 2009

³³ Nanhte hpe kaja ai hku galaw ai ni hpe sha kaja ai hku galaw htang myit yang gaw, nanhte Karai Kasang a shaman chyeju gara hku lu la na myit ta? Yubak kap ai ni mung dai zawn galaw ma ai.

Jinghpaw Hanson Version Bible

³³ Nanhte e kaja ai hku galaw ai ni hpe sha, kaja ai hku galaw htang myit yang gaw, nanhte a matu hpa akyu nga a ta? yubak kap ai ni mung dai zawn galaw ma ai.

LUKA 6:33 ပူးပေါင်းရင်းမြစ်များ

GA SHAGAWP 22:16

Sut gan shalaw na matu, matsan mayan wa hpe dip gamyet da nna sut su ai ni hpe kumhpa nang jaw ai rai yang, nang hkum nan matsan mayan hkrum na ra ai.

ESAIA 32:8

Rai ti mung shagrau ging ai wa chyawm gaw myit malang ai hku amu galaw nna ding man ai amu a matu ngang ngang tsap nga ai.

LUKA 6:32

“Nanhte hpe tsaw ra ai ni hpe sha tsaw ra myit yang gaw, nanhte, Karai Kasang a shaman chyeju gara hku hkam la lu na myit ni? Yubak kap ai ni mung tinang hpe tsaw ra ai ni hpe gaw tsaw ra ma ai.

LUKA 6:34

Bai htang lu na zawn nawn ai ni hpe sha hkoi shap ya myit yang gaw, nanhte Karai Kasang a shaman chyeju gara hku hkam la lu na myit ni? Yubak kap ai ni pyi hkoi ya ai made bai lu la hkra yubak kap ai ni hpe hkoi shap ya ma ai.

1 TIMOHTI 6:18

Mai kaja ai galaw na matu mung, mai kaja ai bungli ni hta sut su na matu mung, masha kaga ni hpe karan kachyan jaw jahproi ai lam hta mung, n daw n hta jaw ya na matu jin jin rai nga mu ga shanhte hpe sharin shaga nga u.