LUKA 6:28 - Jinghpaw Common Language Bible 2009

²⁸ Nanhte hpe dagam ai ni hpe shaman ya mu; nanhte hpe aroi arip di ai ni a matu akyu hpyi mu.

Jinghpaw Hanson Version Bible

²⁸ nanhte e dagam ai ni hpe shaman ya mu; nanhte hpe aroi arip di ai ni a matu akyu hpyi mu.

LUKA 6:28 ပူးပေါင်းရင်းမြစ်များ

1 HKAWHKAM 13:6

Hkawhkam Yeroboam gaw myihtoi wa hpe, “Chyeju hte dai Madu na a Karai Kasang kaw nye a matu akyu hpyi ya e; nye a lata lahpum hpe bai shamai ya na shi kaw hpyi nem ya e!,” ngu nna tsun wu ai. Shaloi myihtoi wa mung dai Madu kaw akyu hpyi ya wu ai rai nna hkawhkam wa a lata lahpum mai tsai mat wu ai.

EZEKELA 25:15

Tsaw Htum ai dai Madu gaw, “Hpilisti masha ni gaw shanhte a jaw prat gumlau hpyen tai nga ai ni hpe gumshem ai hku matai htang nna n dawng n yawt ai myit hte shanhte hpe jahten sharun kau ma ai.

EZEKELA 36:5

“Grup yin masha amyu baw ni, grau nna Edom amyu masha ni hpe hkap daw na, Tsaw Htum ai dai Madu ngai nan nye a sindawng kahtet ai myit hte tsun shapraw dat ni ai. Shanhte gaw nye a mungdan hpe kabu gara ai myit hte mung, pagawn mi n gawn n sawn re ai myit hte mung ka-up la nna dai mung na udat shara ni hpe madu la nga ma ai.

MAHTE 5:44

Rai ti mung, ya ngai nanhte hpe tsun made ai gaw: nanhte a hpyen ni hpe tsaw ra mu; nanhte hpe zingri ai ni a matu mara akyu hpyi ya mu.

LUKA 23:34

Yesu gaw, “Wa e, shanhte a mara hpe dat kau ya mu, shanhte galaw ai lam hpe shanhte n chye nga ma ai,” nga ai. Shanhte gaw, shi a hpun palawng ni hpe mung hpaida da nna garan la ma ai.

LUKA 6:27

“Rai ti mung, madat la nga ai ni nanhte hpe ngai tsun made ga, nanhte a hpyen ni hpe tsaw ra mu; nanhte hpe n dawng n yawt ai ni hpe kaja ai hku galaw mu.

LUKA 6:35

Nanhte chyawm gaw, nanhte a hpyen ni hpe tsaw ra mu; hpa mung lu la na n myit mada ai sha hkoi shap ya mu. Shing rai yang, nanhte shabrai kaba lu na hte, Tsaw Htum ai Karai Wa a kasha ni mung nanhte tai na marin dai; hpa majaw nga yang shi gaw chyeju malap kau ai ni hte, n hkru n hkra re ai ni hpe chyeju galaw mu ai.

KASA 14:5

Shaloi, maigan masha nkau mi hte Yuda masha ni gaw shanhte a agyi salang ni hte hpawn, kasa ni hpe aroi arip di nna nlung hte kabai sat na myit hkrum daw dan ma ai.

KASA 7:60

Bai hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai, dai tsun ngut jang shi nsa hti mat ai.

ROMA 12:14

Nanhte hpe zingri zingrat re ai ni hpe shaman ya mu, shaman ya mu. Shanhte hpe dagam dala hkum rai myit

1 KORINHTU 4:12

Anhte a lata hte shakut nna bungli shaja galaw sha ga ai, anhte matsa mawa hkrum yang shaman ya ga ai, zingri zingrat hkrum yang anhte hkam sharang ga ai.

YAKU 3:10

Dai n-gup langai mi kaw nna sha chyeju shakawn shaman ai ga ni hte matsa mawa dagam ga ni pru wa ai. Nye a hpu nau ni e, dai gaw nanhte hta n byin ang ai!

1 PETRU 3:9

N hkru n kaja ai hpe n hkru n kaja ai hte, matsa mawa dagam dala ga hpe matsa mawa dagam dala ga hte, bai hkum tai htang nga myit; shing rai na malai; shaman ya ai ga htang jaw mu; hpa majaw nga yang, dai shaman ga gaw shi nanhte hpe shaga la ai shaloi nanhte hpe jaw na matu ga sadi jaw da sai rai nga ai.