LUKA 6:27 - Jinghpaw Common Language Bible 2009

²⁷ “Rai ti mung, madat la nga ai ni nanhte hpe ngai tsun made ga, nanhte a hpyen ni hpe tsaw ra mu; nanhte hpe n dawng n yawt ai ni hpe kaja ai hku galaw mu.

Jinghpaw Hanson Version Bible

²⁷ Dai hta kaga, madat la ai ni nanhte hpe ngai tsun made ga, Nanhte a hpyen ni hpe tsawra mu; nanhte hpe n dawng n yawt ai ni e kaja ai hku galaw mu;

LUKA 6:27 ပူးပေါင်းရင်းမြစ်များ

1 HKAWHKAM 13:6

Hkawhkam Yeroboam gaw myihtoi wa hpe, “Chyeju hte dai Madu na a Karai Kasang kaw nye a matu akyu hpyi ya e; nye a lata lahpum hpe bai shamai ya na shi kaw hpyi nem ya e!,” ngu nna tsun wu ai. Shaloi myihtoi wa mung dai Madu kaw akyu hpyi ya wu ai rai nna hkawhkam wa a lata lahpum mai tsai mat wu ai.

GA SHAGAWP 24:17

Na a gumlau hpyen wa tsin-yam tsindam hkrum yang hkum yu kabu nga et; shi ahtu kataw yang hkum yu pyaw nga et.

GA SHAGAWP 25:2

Shi makoi magap da ai majaw, anhte Karai Kasang hpe shakawn shagrau ga ai; shanhte tsun shaleng dan ai majaw, hkawhkam ni hpe anhte shagrau sha-a ga ai.

MARKU 4:24

Dai hta kaga Yesu gaw, “Nanhte na lu ai lam hpe atsawm sha madat mu! Nanhte masha kaga ni hpe jeyang ai shaloi lang ai tara ni hte maren, nanhte hpe jeyang ai shaloi Karai Kasang lang na ra ai, rai ti mung dai hta grau nna pyi laja ai rai na ra ai.

LUKA 23:34

Yesu gaw, “Wa e, shanhte a mara hpe dat kau ya mu, shanhte galaw ai lam hpe shanhte n chye nga ma ai,” nga ai. Shanhte gaw, shi a hpun palawng ni hpe mung hpaida da nna garan la ma ai.

LUKA 6:22

Masha ni nanhte hpe n dawng n yawt ai hte dai masha kasha a majaw shadaw jahka di kau nna asawng asang di ai hte, nanhte a mying hpe n hpru n mai ai arai hpe zawn tsun jahpyak hkrum myit yang, nanhte a lu myit dai.

LUKA 6:35

Nanhte chyawm gaw, nanhte a hpyen ni hpe tsaw ra mu; hpa mung lu la na n myit mada ai sha hkoi shap ya mu. Shing rai yang, nanhte shabrai kaba lu na hte, Tsaw Htum ai Karai Wa a kasha ni mung nanhte tai na marin dai; hpa majaw nga yang shi gaw chyeju malap kau ai ni hte, n hkru n hkra re ai ni hpe chyeju galaw mu ai.

LUKA 8:15

Ga sau kaja ai hta hkrat ai nli tum ni gaw, dai mungga hpe na la nhtawm, kaja ai hte madat mara ai myit masin kraw lawng hta lashum lanoi rai nna asi si ai ten du hkra hkam sharang ai ni hpe ngu ai rai nga ai.”

LUKA 8:18

“Dai re ai majaw, nanhte gara hku madat la myit dai hpe sadi nga mu; hpa majaw nga yang, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai kachyi mi hpe pyi naw shaw la kau ya na ra ai,” ngu mu ai.

LUKA 8:8

Nkau mi gaw ga sau kaja ai ga hta hkrat ai rai nna, tu kaba wa jang, htam latsa si mayat wa ai,” ngu wu ai. Shing rai Yesu gaw, “Na la na na tu ai wa gaw na la u ga!” nga nna jahtau tsun ai hte ga hpungdim wu ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 16:28

Rai ti mung Pawlu gaw, “Nang dai, na a hkum hpe hkum shaza et, anhte yawng ahkum, ara rai nga ga ai law!,” ngu nna aja awa jahtau tsun wu ai.

KASA 7:60

Bai hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai, dai tsun ngut jang shi nsa hti mat ai.

GALATI 6:10

Dai re ai majaw anhte gaw aten ladaw naw nga pra nna ahkaw ahkang lu shagu masha nlang hte a matu mai kaja ai amu galaw nga ga, rai ti mung makam masham a dinghku na ni hpe grau nna galaw nga ga.

1 HTESALONI 5:15

Kadai mung shut ai hpe shut ai hku matai n htang ai sha, nanhte shada da hte, masha yawng mayawng a matu mai kaja ai lam galaw na hta nanhte a myit shatawng shada da mu.

3 YAWHAN 1:11

Nye a tsaw ra ai jinghku wa e, n kaja ai lam hpe n re ai sha kaja ai lam hpe len la nga u. Kaja ai amu galaw ai wa gaw Karai Kasang hte seng nga ai; n kaja ai amu galaw ai wa chyawm gaw Karai Kasang hpe garai n mu n chye wu ai.