LUKA 6:26 - Jinghpaw Common Language Bible 2009

²⁶ Masha yawng mayawng nanhte hpe kaja ai ngu nna tsun myit yang, grai hkrithpa dingnye lu myit dai, hpa majaw nga yang, shanhte a kaji kawa ni mung myihtoi masu ni hpe dai hte maren tsun shakawn lai wa yu masai.

Jinghpaw Hanson Version Bible

²⁶ Masha yawng mayawng nanhte hpe kaja ai ngu myit yang, nanhte dingnye lu myit dai: kaning rai nme law, shanhte a kaji kawa ni mung dai zawn myihtoi masu ni hpe ngu yu manu ai.

LUKA 6:26 ပူးပေါင်းရင်းမြစ်များ

GA SHAGAWP 27:21

Gumhpraw hte ja hpe wan hte chyam dinglik ai zawn, masha ni hpe shakawn ga hte chyam dinglik nga ai.

ESAIA 30:10

Shanhte ni gaw myihtoi ni hpe atsin sha nga na matu tsun ma ai. Shanhte gaw, “Teng man ai amu anhte hpe hkum tsun dan mi. Anhte na mayu ai hpe sha tsun mu. Anhte a n teng n man ai ga ni hpe atsun na ga ai.

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

MIHKA 2:11

“Dai masha ni gaw masu ga tsun hkawm ai myihtoi baw hpe ra sharawng nga ma ai, ‘Na a matu, sabyi ntsin hte tsa chyaru lwi pru wa na ra ai ngu, ngai myihtoi htoi na nngai,’ ngu nna tsun ai.

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

LUKA 6:25

Ya hkru kat nga ai ni, nanhte hkrithpa dingnye lu myit dai; hpa majaw nga yang nanhte kawsi ai hkrum na marin dai. Ya mani nga ai ni, nanhte hkrithpa dingnye lu myit dai: kaning rai nme law, nanhte gaw sharung shayawt ai hte hkrap ngu hkrap ngoi ai hkrum na marin dai.

YAWHAN 15:19

Nanhte ndai mungkan hte seng ai ni rai myit yang gaw, mungkan masha ni gaw tinang a bawsang ni hpe zawn nanhte hpe tsaw ra na myit dai. Rai ti mung ngai gaw nanhte hpe ndai mungkan ga na lata la made ai, nanhte gaw ndai mungkan ga hte n seng myit dai; dai majaw mungkan masha ni nanhte hpe n ju n dawng ma ai.

YAWHAN 7:7

Mungkan ga gaw nanhte hpe n dawng n wawm rai lu ai n rai; rai ti mung ngai hpe gaw n dawng n wawm ma ai, hpa majaw nga yang, shanhte a n shawp ai lam ni hpe atsun nga nngai majaw rai nga ai.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.

YAKU 4:4

Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.