LUKA 6:25 - Jinghpaw Common Language Bible 2009

²⁵ Ya hkru kat nga ai ni, nanhte hkrithpa dingnye lu myit dai; hpa majaw nga yang nanhte kawsi ai hkrum na marin dai. Ya mani nga ai ni, nanhte hkrithpa dingnye lu myit dai: kaning rai nme law, nanhte gaw sharung shayawt ai hte hkrap ngu hkrap ngoi ai hkrum na marin dai.

Jinghpaw Hanson Version Bible

²⁵ Ya hkru kat nga ai ni nanhte dingnye lu myit dai: kaning rai nme law, nanhte gaw kawsi ai hkrum na marin dai. Ya mani nga ai ni nanhte dingnye lu myit dai: kaning rai nme law, nanhte gaw sharung shayawt ai hte hkrap ngu hkrap ngoi ai hkrum na marin dai.

LUKA 6:25 ပူးပေါင်းရင်းမြစ်များ

SHAKAWN KUNGDAWN 49:19

shi si ai aten hta, shi a kaji kawa ni yawng nga ai htani htana sin mak ai shara hta rau wa nga na ra ai.

GA SHAGAWP 14:13

Mani ai lam gaw yawn ai lam hpe magap da nga ai; kabu gara ai lam htum mat yang, yawn hkyen ai lam tut nawng e, hkan kanawng nang nga ai.

GA SHAGAWP 30:9

Dai hta jan nna ngai grau lu wa ai rai yang, ngai nang hpe n ra dum nngai ngu nna, tsun kau hkrup na ra ai. Rai ti mung, ngai matsan mayan hkrum nga yang chyawm gaw, ngai lagu nna, nye a Karai Kasang hpe kaya kahpa awu asin di kau na ring nngai.

HPAJI NINGLI 2:2

Mani ai wa gaw angawk angak re ai wa rai nna sharawng awng hpa lam gaw nang hpe mai kaja lam n shabyin ya lu nga ai hpe ngai sawk tam lu ni ai.

HPAJI NINGLI 7:3

Yawn hkyen ai gaw mani ai wa hta grau kaja nga ai; dai gaw na a myi man hpe n tsawm shangun ti mung chye na hkawn hkrang ai na a nyan hpe sam shangun nga ai.

HPAJI NINGLI 7:6

Angawk ai masha wa mani ai shaloi, dai gaw wan kata e ju hpun hkru kahpre ai hte bung nga ai. Dai gaw hpa lachyum mung n pru nga ai.

ESAIA 28:7

Myihtoi ni hte hkinjawng ni pyi chyaru grai nang nna ndi nda rai hkawm nga ma ai. Shanhte gaw sabyi hte chyaru nau law lu nang nga ma ai majaw, maru marang rai, ahtu gumpye hkawm nga ma ai. Myihtoi ni grai nang nga ma ai majaw Karai Kasang jaw ai shingran hpe n dum n chye nga ma ai. Hkinjawng ni mung grai sawng hkra lu nang nga ma ai majaw shanhte hpang de la sa wa ai amu ni hpe n chye hparan daw dan ya nga ma ai.

ESAIA 65:13

Dai re ai majaw, ngai hpe nawku ai ni hte nye a ga madat mara ai ni gaw nhpaw n-ya lu lu lu sha na mara ai, rai ti mung nang gaw kawsi kyet ai hte hpang gara ai hkrum na ndai. Shanhte gaw kabu gara lu na mara ai, rai ti mung nang chyawm gaw sari jahpoi hkrum na rai ndai, ngu ngai nang hpe tsun nngai.

ESAIA 8:21

Amyu masha ni gaw myit daw myit hten ai hte kawsi hkrum let, dai mungdan hkan lai hkawm wa na mara ai. Shanhte a kawsi ai hte myit kahtet ai hta, shanhte gaw shanhte a hkawhkam hte shanhte a Karai Kasang hpe dagam kau na mara ai. Shanhte gaw lamu de mada,

ESAIA 9:20

Mungdan kata shara shagu hkan shanu nga ai amyu masha ni gaw, shanhte tam la lu ai ahkyep alep re ai lusha kaji kajaw hpe gare sha ma ai, rai ti mung shanhte a kawsi kyet ai gaw galoi mung myit dik lu ai n rai. Shanhte gaw shanhte a kashu kasha ni hpe pyi sha nga ma ai!

AMO LAIKA (AMOS) 8:10

Ngai gaw nanhte a poi ni hpe makoi mayang poi shatai kau nna, nanhte a kabu gara ai mahkawn mangoi ni hpe sharung shayawt ai hte galai kau ya na made ai. Ngai gaw nanhte a baw ni hpe shakrin kau shangun nhtawm lachyit nba hpun shangun na made ai. Nanhte gaw kasha shingtai si mat ai majaw kanu yan kawa yawn hkyen hkrum nga ai zawn tai na myit dai. Dai shani gaw ahkup ahka nga nna htum mat wa na ra ai.

NAHUM 1:10

Tsa chyaru nang ai ni gaw gindun hkri ai ju hpun hte yihku jahkraw hpe zawn nat kau hkrum na mara ai!

LUKA 12:20

Rai ti mung, Karai Kasang gaw, dai wa hpe, ‘Masha angawk e! Dai na jang na a asak hpe dawm la kau ya na ra ai, dai rai nna, nang mahkawng shachyip da ai arai ni gaw gade a matu tai na rai ta?,’” ngu nna tsun wu ai.

LUKA 13:28

Nanhte gaw, Karai Kasang a mungdan e, Abraham Isak, Yaku hte myihtoi ni yawng nga nga ai hpe nanhte mu lu da nna, nanhte hkum nan gaw shinggan de shapraw kau ai hkrum myit dai shaloi, nanhte gade daram hkrap ngu hkrap ngoi ai hte wa wurin wudik rai na n rai nga myit hka!

LUKA 6:24

“Rai ti mung, sut su ai ni nanhte gaw hkrithpa dingnye lu myit dai: hpa majaw nga yang nanhte gaw ndai prat hta grai pyaw ai hku nga lu manit dai!

LUKA 6:26

Masha yawng mayawng nanhte hpe kaja ai ngu nna tsun myit yang, grai hkrithpa dingnye lu myit dai, hpa majaw nga yang, shanhte a kaji kawa ni mung myihtoi masu ni hpe dai hte maren tsun shakawn lai wa yu masai.

LUKA 8:53

Ma gaw si mat sai hpe shanhte chye ma ai majaw, shi hpe asawng asang ngu nna mani kau mu ai.

EHPESU 5:4

n san n seng ai ga kinsha, awu asin yuk jahtuk nga ai ga, zai ai ga re ai ni hpe n tsun ai sha, Karai Kasang hpe chyeju shakawn ai ga sha tsun nga mu ga.

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

YAKU 4:9

Yawn hkyen nna hkrap ngu hkrap ngoi sharung shayawt nga mu; nanhte a mani ai hpe hkrap ai hte nanhte a kabu gara ai hpe nchyi nmu re ai hte galai kau mu.

SHINGRAN 3:17

Nang gaw, ‘Ngai sut su nga nngai, ngai hta sut ring gan chying sali ai; ngai hta ra ai lam yawng ngai lu se ai,’ nga nna tsun nga ndai. Rai ti mung nang gaw, gade wa tsin-yam tsindam hte chyaren karen ai wa, matsan mayan myi kyaw ai hte singgu krin re ai wa nang rai nga ndai hpe nang n chye nga n hka!

1 SAMUELA 2:5

Lang mi hkru hkru kat kat nga lai wa sai amyu masha ni lusha tam na matu, ya jang, shanhte nan nchyang shang nga masai, rai ti mung kawsi hpang gara ai ni kawsi hpang gara galoi mung hkrum na mara ai n rai. Dai maudung dung ai madu jan gaw kasha sanit shangai nu ai, rai ti mung law law a kanu chyawm gaw kasha langai mung n nga mat nga ai.