LUKA 6:2 - Jinghpaw Common Language Bible 2009

² Hparishe nkau mi gaw, “Anhte a tara hta tsun da ai Bansa Nhtoi e n mai di ai lam, hpa rai nanhte galaw myit ta?,” nga nna san ma ai.

Jinghpaw Hanson Version Bible

² Dai rai nna, Hparishe nkau mi gaw, “Laban nhtoi e n mai di ai lam, hpa rai nanhte galaw myit ta?” nga ma ai.

LUKA 6:2 ပူးပေါင်းရင်းမြစ်များ

PRU MAT 22:10

“Marai langai ngai gaw kaga wa a lawze, dumsu kanu, sagu hte kaga yam nga ni hpe bau rem ya na matu myit hkrum da ai hta na, si mat ai rai ti mung, hkala nna machyi ai rai ti mung, garawt hpai mat wa ai rai ti mung, sakse n nga ai rai yang,

PRU MAT 31:15

Nang gaw nhtoi kru ya tup na a amu galaw lu na rai nga ndai; rai ti mung sanit ya nhtoi chyawm gaw nye a matu ap nawng da ai chyoi pra ai Bansa Nhtoi rai nga ai. Dai shani e amu magam galaw ai wa kadai mung si lu na rai nga ai.

PRU MAT 35:2

Nanhte gaw nanhte a magam bungli galaw la na nhtoi kru ya tup lu nga myit dai; rai ti mung dai sanit ya nhtoi chyawm gaw Ngai Madu hpe nawku daw jau na matu dagam shaka da ai bansa nhtoi rai nna, nye a matu ap nawng da sai hte chyoi pra nga lu na rai nga ai. Dai nhtoi hta amu bungli galaw ai wa kadai mung si ai hkrum na rai nga ai.

ESAIA 58:13

Dai Madu gaw, “Bansa Nhtoi hpe chyoi pra ai zawn nang hkungga nna, dai shani e na a hpaga amyat n tam ai sha, nye a chyoi pra ai shani hpe nang manu shadan ai hte shagrau sha-a ai hku, dai nhtoi e gara de mung n sa, amu n galaw, n tsun n ang ai ga hpe n shaga ai rai yang,

MAHTE 12:2

Hparishe ni dai hpe mu jang, shanhte gaw, “Yu mu, Bansa Nhtoi e n mai galaw ai amu, na a sape ni galaw ma ai!,” ngu nna Yesu hpe tsun mu ai.

MAHTE 15:2

“Na a sape ni gaw hpa majaw anhte a ji wa ni matsun hkrat wa ai ahtung alai ni hpe tawt lai kau nga ma ta? Shanhte gaw lata atsawm sha n kashin ai nan, muk sha ma ai!,” ngu mu ai.

MARKU 2:24

Dai rai nna Hparishe ni gaw, “Yu u, Bansa Nhtoi hta e n galaw mai ai amu hpe shanhte hpa rai galaw nga ma ta?,” ngu nna Yesu hpe tsun mu ai.

LUKA 5:33

Masha nkau mi gaw, “Yawhan a sape ni lusha ya sha sha gam ma ai hte akyu hpyi ma ai; Hparishe ni a sape ni mung dai hte maren galaw ma ai, rai ti mung na a sape ni gaw, a lu a sha nga ma ai,” ngu nna Yesu hpe tsun mu ai.

YAWHAN 5:16

Bansa nhtoi hta shamai shatsai ai lam galaw ai majaw, dai shani kaw nna Yesu hpe zingri sharu shatsang ai lam galaw hpang wa ma ai.