LUKA 6:19 - Jinghpaw Common Language Bible 2009

¹⁹ Shawa masha ni yawng shi hpe ahtawk lu hkra nga shakut ma ai, hpa majaw nga yang, shi a hkum hta na atsam pru nna mahkra hpe shamai nga ai.

Jinghpaw Hanson Version Bible

¹⁹ Shawa masha ni nlang shi hpe ahtawk na tam ma ai: kaning rai nme law, shi hkum na atsam pru nna mahkra hpe shamai nga ai.

LUKA 6:19 ပူးပေါင်းရင်းမြစ်များ

2 HKAWHKAM 13:21

Lani mi na moi mang jahkrat ai aten hta, Moba masha gumlau hpung ni hpe mu ma ai rai nna, masha ni gaw dai mang hpe Elisha a lup kata de kabai bang nna kagat mat wa ma ai. Shaloi dai si mang gaw Elisha a nrut nra ni hte sa hkra ai shaloi jang shi hkrung wa nna rawt tsap nga ai.

MAHTE 14:36

Shanhte gaw, machyi makaw hkrum ai ni shi a palawng ban byau hpe sha pyi ahtawk na ahkang hpyi nem ma ai: ahtawk ai ni kadai mung mai mat wa ma ai.

MARKU 3:10

Masha law law hpe shi shamai ya nu ai majaw, machyi makaw hkrum ai masha ni law law shi hpe ahtawk la lu hkra nga nna shi kaw anin shadut shang wa ma ai.

MARKU 5:30

Yesu gaw, shi hta na atsam pru wa sai hpe, shi kalang ta chye wu ai majaw, shawa hpawng de kayin nna, “Nye a hpun palawng hpe kadai ahtawk hkra a ta?,” ngu nna san mu ai.

MARKU 6:56

Dai hta kaga, Yesu sa du hkawm ai shara shagu, mare, kahtawng ningchyawng hkan na masha ni gaw machyi ai masha ni hpe gat shara ni de woi sa nna shi a hpun palawng ban byau matu sha pyi shanhte hpe ahtawk la shangun na matu ahkang hpyi nem ya mu ai: Shi hpe ahtawk lu ai ni yawng nan, mai tsai mat wa ma ai.

MARKU 8:22

Yesu hte sape ni Betsaida de du ma ai. Dai yang e myi kyaw ai masha langai mi hpe masha nkau mi shi hpang de woi sa nna, shi hpe ahtawk ya na hpyi da mu ai.

LUKA 5:17

Lani mi hta Yesu sharin shaga nga yang, Galile mung, Yuda mung, kahtawng shagu hkan na hte, Yerusalem mare de na Hparishe ni hte Tara Sara ni sa du dung nga ma ai. Machyi shamai ya na matu Madu Karai Kasang a atsam gaw Yesu hta nga nga ai.

LUKA 6:18

Shanhte shi a ga madat la na hte tinang a machyi makaw ni hpe shamai la na matu sa ma ai. N san seng ai Nat ni a sharu shatsang hkrum ai ni mung mai mat ma ai.

KASA 19:12

Masha ni gaw, Pawlu lang ai hpajet hte lawng sap zawn re ai ni hpe pyi machyi ai ni hpang de la wa jang, shanhte a ana ahkya ni hpe shamai ya mu ai hte, shung ai n hkru ai nat ni mung pru mat wa ma ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.