LUKA 6:17 - Jinghpaw Common Language Bible 2009

¹⁷ Kasa ni hte rau bum ntsa kaw na yu wa nna, layang e shi a sape hpung kaba hte rau tsap nga ai shaloi, Yuda mung ting hte Yerusalem mare na mung, nammukdara makau na Turu hte Sidon kaw na mung, masha wunawng wuwa kaba sa hpawng nga ma ai.

Jinghpaw Hanson Version Bible

¹⁷ Shanhte hte rau yu wa nna layang e tsap nga yang, shi a sape hpung kaba mung, Yuda mung ting hte Yerusalem mare na mung, nammukdara makau na Turu hte Sidun kaw na mung, masha wunawng wuwa kaba gaw shi a ga madat la na hte tinang a machyi makaw shamai la na matu, rau hpawng nga ma ai:

LUKA 6:17 ပူးပေါင်းရင်းမြစ်များ

SHAKAWN KUNGDAWN 103:3

Shi gaw nye a yubak yawng hte hpe raw dat kau ya nga ai; nye a ana ahkya yawng hte hpe mung, shi shamai shatsai ya nga ai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

MAHTE 12:15

Yesu dai hpe chye jang, kaga de htawt mat wa ai; Masha law law mung shi kaw hkan nang ma ai. Machyi makaw hkrum ai ni yawng hpe shi shamai ya mu ai.

MAHTE 14:14

Li hta na pru wa yang, masha wunawng wuwa kaba hpe mu hkrup nna, shanhte hpe matsan dum ai hte machyi makaw hkrum ai ni hpe shamai shatsai ya mu ai.

MAHTE 15:21

Ya, Yesu gaw dai yang na pru nna, Turu hte Sidon mare ni a makau mayang na ginwang hkan e sa du ma ai.

MAHTE 5:1

Yesu gaw shawa masha wunawng wuwa kaba hpe mu hkrup jang, dai bum de shi lung wa sai. Dai kaw e shi dung nga yang, shi a sape ni shi kaw du mahkawng shinggrup nga ma ai rai nna,

LUKA 5:15

Rai ti mung, shi a lam shiga gaw grau nna kajai gumhkawng ai lam pri rai wa ai hte, shawa masha wunawng wuwa gaw, ga madat na matu mung, shanhte a machyi makaw mai na matu mung, sa hpawng ma ai.

LUKA 6:12

Dai nhtoi hte hta Madu Yesu gaw akyu hpyi na nga, dai bum de pru sa wa nna, shana tup Karai Kasang kaw akyu hpyi let nga nga ai.

LUKA 6:16

Yaku a kasha Yuda hte Madu Yesu hpe ap kau ai wa Yuda Iskarut hte rai ma ai.

LUKA 6:18

Shanhte shi a ga madat la na hte tinang a machyi makaw ni hpe shamai la na matu sa ma ai. N san seng ai Nat ni a sharu shatsang hkrum ai ni mung mai mat ma ai.