LUKA 6:15 - Jinghpaw Common Language Bible 2009

¹⁵ Mahte yan Htawma; Alhpe a kasha Yaku yan amyu hpe tsaw ra ai Zelutu ngu ai Simun;

Jinghpaw Hanson Version Bible

¹⁵ Mahte yan Htawma; Alhpe a kasha Yaku yan Zelutu ngu ai Simun;

LUKA 6:15 ပူးပေါင်းရင်းမြစ်များ

MAHTE 9:9

Yesu gaw dai shara kaw na sa mat wa yang, shi a kang hta ai sum e dung nga ai Mahte ngu ai kang hta ai wa hpe mu hkrup nna, “Ngai kaw hkan nang rit,” ngu shi hpe tsun wu ai. Shaloi Mahte rawt nna shi kaw hkan nang nga ai.

MARKU 2:14

Yesu matut nna hkawm sa mat wa yang, Alhpe a kasha kang hta ai Lewi ngu ai wa hpe shi a kang hta ai sum e dung nga ai hpe mu hkrup wu ai. Yesu gaw, “Ngai kaw hkan nang rit,” ngu nna shi hpe tsun wu yang, Lewi mung rawt nna Madu a hpang hkan nang nga ai.

MARKU 3:18

bai Andre, Hpilip, Barhtolume, Mahte, Htawma, Alhpe a kasha Yaku, Htade, Kanani masha Simun hte,

LUKA 5:27

Dai hpang, shi pru sa wa nna, Lewi ngu ai kang hta ai wa langai mi, kang sum hta dung nga ai hpe mu wu ai. Yesu gaw dai wa hpe, “Ngai kaw hkan rit,” ngu wu ai.

LUKA 6:14

Dai ni gaw Petru ngu nna Yesu shi e shamying ai Simun hte shi a kanau Andre; Yaku yan Yawhan; Hpilip yan Barhtolume;

LUKA 6:16

Yaku a kasha Yuda hte Madu Yesu hpe ap kau ai wa Yuda Iskarut hte rai ma ai.

YAWHAN 11:16

Dai rai nna (Marun ngu ai) Htawma gaw, “Anhte yawng mung Sara hte rau si hkam na matu hkan nang saga,” ngu nna shi a sape manang ni hpe tsun mu ai.

YAWHAN 20:24

Shing rai Yesu sa du nga ai ten hta sape shi lahkawng hta lawm ai marun ngu ai Htawma gaw, shanhte hte rau n nga ai.

KASA 1:13

Sape ni gaw mare de shang nna shanhte manam ai nta ntsa gawk de shang nna nga nga ma ai. Dai ni gaw, Petru, Yawhan, Yaku, Andre, Hpilip, Htawma, Barhtolume hte Mahte, Alhpe a kasha Yaku, Zelutu ngu ai Simun hte Yaku a kasha Yuda hte rai ma ai.

KASA 15:13

Shan ga shaga htum jang, Yaku mung “Hpu nau ni e, Nye ga madat ya yu mi!

GALATI 1:19

Dai Madu a kanau Yaku hta kaga kasa gale kadai hpe mung ngai n mu nngai.

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.