LUKA 6:12 - Jinghpaw Common Language Bible 2009

¹² Dai nhtoi hte hta Madu Yesu gaw akyu hpyi na nga, dai bum de pru sa wa nna, shana tup Karai Kasang kaw akyu hpyi let nga nga ai.

Jinghpaw Hanson Version Bible

¹² Dai nhtoi hte hta mung shi gaw akyu hpyi na nga, dai bum de pru sa wa nna, shana tup Karai Kasang hpe akyu hpyi let nga nga ai.

LUKA 6:12 ပူးပေါင်းရင်းမြစ်များ

SHAKAWN KUNGDAWN 22:2

Nye a Karai Kasang e, shani e, ngai nang hpe shaga ti mung; nang n htan ya ndai; shana e shaga ti mung, ban sa ai lam ngai n lu nga nngai.

ESAIA 26:9

Shana e ngai gaw nye a myit masin mahkra hte nang hpe ala nngai; ginding aga hte dai hta nga ai masha ni hpe nang jeyang ai shaloi, shanhte yawng gaw teng man rap ra ai tara hpa rai nga ai hpe sharin la na mara ai.

Daniela 6:10

Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

MAHTE 5:1

Yesu gaw shawa masha wunawng wuwa kaba hpe mu hkrup jang, dai bum de shi lung wa sai. Dai kaw e shi dung nga yang, shi a sape ni shi kaw du mahkawng shinggrup nga ma ai rai nna,

MAHTE 6:6

Rai ti mung nanhte mahtang akyu hpyi ai shaloi, nta kata gawk de shang nna, chyinghka hpe la da nhtawm, myi hte n mu lu ai nanhte a Kawa kaw hpyi mu; n dan n leng ai hku galaw ai amu hpe mu lu ai nanhte a Kawa gaw, nanhte hpe bai htang jaw na marin dai.

MARKU 1:35

Hpang jahpawt manap jau jau e, nhtoi garai n htoi yang shi yup rawt nna nta na pru mat wa ai. Shi gaw mare kata na pru nhtawm machyi shim ai shara de sa wa nna dai yang e akyu hpyi nga ai.

MARKU 3:13

Dai hpang Yesu gaw bum langai de lung wa nna shi kaw hkan nang mayu ai ni hpe mung shi saw shaga mu ai rai nna shanhte shi kaw sa du ma ai.

MARKU 6:46

Shawa masha ni hpe shakram dat ngut jang akyu hpyi na matu bum langai mi de shi lung wa sai.

LUKA 5:16

Shi chyawm gaw nam mali de lagyim sa mat wa nna, akyu hpyi nga ai.

LUKA 6:11

Shanhte chyawm gaw myi di lahpang pawt bu nna, “Yesu hpe kaning di na rai nga a ta?,” nga nna shanhte shada tsun ginrawn hkat nga ma ai.

LUKA 6:17

Kasa ni hte rau bum ntsa kaw na yu wa nna, layang e shi a sape hpung kaba hte rau tsap nga ai shaloi, Yuda mung ting hte Yerusalem mare na mung, nammukdara makau na Turu hte Sidon kaw na mung, masha wunawng wuwa kaba sa hpawng nga ma ai.

LUKA 9:18

Lang mi na Yesu shi hkrai akyu hpyi nga yang, sape ni shi hpang de sa du ma ai. Shaloi shi shanhte hpe, “Shawa masha ni ngai hpe kadai wa re ai nga nga ma ta?,” ngu nna san yu mu ai.

LUKA 9:28

Ndai lam ni tsun ai bat mi daram na ai hpang, Yesu gaw Petru Yawhan, Yaku hte hpe woi nna, akyu hpyi na nga, dai bum de lung wa ai.

LUKA 9:29

Shi akyu hpyi nga yang, shi a myi man ahpraw nsam galai nna, shi a hpun palawng ni mung hpraw tu ai hte kabrim kabram rai wa lu ai.

YAWHAN 6:3

Shaloi Yesu gaw kawng langai mi a ntsa de lung wa nna, shi a sape ni hte rau dung nga ai.

KOLOSE 4:2

Akyu hpyi ai hta ayan shakut sharang rai nga nna, amaja nga ai let Karai Kasang hpe chyeju adum nga mu.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.

1 SAMUELA 15:11

“Shawlu hpe hkawhkam shatai kau ni ai majaw ngai yawn la nngai; shi gaw ngai kaw na kayin mat wa ai hte nye a hkang da ai ga ni hpe mung n madat mat nu ai,” ngu nna tsun wu ai. Dai majaw, Samuela masin pawt nga ai; dai Madu hpe mung shana tup hpyi nem nga wu ai.