LUKA 6:10 - Jinghpaw Common Language Bible 2009

¹⁰ Madu gaw, dai masha ni yawng hpe mada shinggrup yu nna, dai masha wa hpe, “Na a lata ladawn u,” ngu wu ai; shi mung ladawn nna, shi a lata gaw mai mat lu ai.

Jinghpaw Hanson Version Bible

¹⁰ Shanhte mahkra hpe grup yin yu nna, dai wa hpe, “Na a lata ladawn u,” ngu wu ai; shi mung ladawn nna shi a lata gaw mai mat lu ai.

LUKA 6:10 ပူးပေါင်းရင်းမြစ်များ

1 HKAWHKAM 13:6

Hkawhkam Yeroboam gaw myihtoi wa hpe, “Chyeju hte dai Madu na a Karai Kasang kaw nye a matu akyu hpyi ya e; nye a lata lahpum hpe bai shamai ya na shi kaw hpyi nem ya e!,” ngu nna tsun wu ai. Shaloi myihtoi wa mung dai Madu kaw akyu hpyi ya wu ai rai nna hkawhkam wa a lata lahpum mai tsai mat wu ai.

SHAKAWN KUNGDAWN 107:20

Shi gaw shi a mungga hte shanhte hpe shamai shatsai ya ai hte, lup sung hku kata na, shanhte hpe hkye hkrang la wu ai.

MARKU 3:5

Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

LUKA 6:11

Shanhte chyawm gaw myi di lahpang pawt bu nna, “Yesu hpe kaning di na rai nga a ta?,” nga nna shanhte shada tsun ginrawn hkat nga ma ai.

LUKA 6:9

Shaloi Yesu gaw, “Ngai nanhte hpe san yu made ga, anhte a tara hta, Bansa Nhtoi e hpa baw galaw mai ai ahkang jaw da a ta? Kaja ai amu galaw na, n kaja ai amu galaw na, Masha asak hpe hkye la na, shing n rai, jahten na, gara mahtang mai galaw na a kun?,” ngu nna shanhte hpe tsun mu ai.

YAWHAN 5:8

Shaloi Yesu gaw, “Rawt u, na a hpun nba panep la hpai nna hkawm wa su,” ngu nna dai wa hpe tsun wu ai.