LUKA 5:8 - Jinghpaw Common Language Bible 2009

⁸ Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

Jinghpaw Hanson Version Bible

⁸ Simun Petru gaw dai mu jang, Yesu a lahput nhpang e dingnyawm nna, “Madu e, ngai kaw na wa mat u; ngai gaw yubak kap ai masha rai nga nngai,” ngu wu ai.

LUKA 5:8 ပူးပေါင်းရင်းမြစ်များ

2 SAMUELA 6:9

Dawi mung dai Madu hpe hkrit wu ai rai nna, “Ya ndai Ga Shaka Sumpu ngai hte rau kaning rai la wa na i?,” ngu nna tsun wu ai.

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

PRU MAT 20:19

Shanhte gaw Mawshe hpe, “Nang anhte hpe tsun ai rai yang chyawm gaw anhte madat na ga ai; rai ti mung, Karai Kasang anhte hpe tsun ai rai yang, anhte hkrit ga ai, anhte si mat na ga ai,” ngu nna tsun ma ai.

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

MAHTE 17:6

Sape ni dai hpe na jang, shanhte nachying hkrit gari mat nna, shanhte a myi man ga de dagup nga ma ai.

MAHTE 2:11

Shanhte dai nta hta e shang bang wa ma yang, dai ma kaji hte kanu Mari hpe shanhte mu mu ai rai nna, lahput hput di let shi hpe nawku mu ai. Tinang a sut sumpu hpaw nna, shi hpe aja, lawban, mura ngu ai kumhpa ni sak jaw mu ai.

MAHTE 8:8

Shaloi dai hpyen du wa gaw, “Madu e, nye nta de nang sa shang na gaw, ngai n ging n dan nngai, na a ga hkaw mi sha tsun dat rit, shaloi nye a shangun ma mai mat na ra ai.

LUKA 5:7

Dai majaw li kaga hta nga ai manang ni hpe, sa karum la na dingsi shaga mu ai. Shanhte mung sa ma ai rai nna, dai li lahkawng yan lup wa magang hkra, bang jahpring mu ai.

LUKA 5:9

Kaning rai nme law, shanhte nga law law magawn la lu ai majaw, shi hte shi kaw hkan nang ai ni yawng mau mahka mat ma ai.

YAWHAN 11:32

Mari gaw Yesu nga ai shara de du nna shi hpe mu ai shaloi jang, shi a lagaw nhpang e dingnyawm dagup let, “Madu e nang lama nang e nga ndai rai taw gaw ngai yung n si na re!,” ngu wu ai.

1 KORINHTU 13:12

Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.

TARA AGYI 13:22

Mano gaw shi a madu jan hpe, “An gaw Karai Kasang hpe mu kau saga ai majaw teng teng si mat na saga ai!,” ngu nna tsun wu ai.

1 SAMUELA 6:20

Dai rai nna, Bet Sheme masha ni gaw, “Ndai chyoi pra ai Madu Karai Kasang a man e, kadai wa tsap lu nga a ta? Anhte kaw nna shi hpe gara shara de anhte shangun dat lu na rai nga ga ta?,” ngu nna tsun ma ai.