LUKA 5:4 - Jinghpaw Common Language Bible 2009

⁴ Shi ga tsun htum jang, “Hka sung ai shara de li hpe naw sit nna nga ni hpe rim la lu na matu, nang hte na manang ni a sumgawn ni hpe jahkrat mu,” ngu nna Simun hpe tsun wu ai.

Jinghpaw Hanson Version Bible

⁴ Ga tsun htum jang, “Hka sung ai shara de naw sit nna, nga ja na matu nanhte a sumgawn ni hpe jahkrat mu,” ngu nna Simun hpe tsun wu ai.

LUKA 5:4 ပူးပေါင်းရင်းမြစ်များ

MAHTE 17:27

Rai ti mung, an a majaw shanhte myit n kataw mu ga, nawng de sa nna nga myek jahkrat bang u; shawng lu ai nga hpe shaw la nhtawm, nga n-gup gang mahka dat yang, Shekela pa mi nang mu na ndai; dai hpe la nna, ngai hte na a matu shanhte hpe ya u,” ngu nna shi hpe tsun wu ai.

LUKA 5:5

Simun gaw, “Madu e, mana tup anhte shakut ga timung, hpa mung n lu gaw ai; rai ti mung, na a ga majaw, ngai sumgawn jahkrat na we ai,” ngu nna htan wu ai.

YAWHAN 21:6

Yesu gaw, “Nanhte a sumgawn hpe li a hkra maga de jahkrat mu, shaloi lu na myit dai,” ngu nna shanhte hpe tsun mu ai. Dai hte maren shanhte sumgawn jahkrat nna nga law law wa magawn la lu ma ai majaw, sumgawn pyi n gang la lu ma ai.