LUKA 5:35 - Jinghpaw Common Language Bible 2009

³⁵ Rai ti mung, la nnan wa hpe shanhte kaw na jahka la ya ai nhtoi du na ra ai rai nna, dai nhtoi hte hta shanhte lusha gam na mara ai,” ngu nna shanhte hpe tsun mu ai.

Jinghpaw Hanson Version Bible

³⁵ Rai timung, la nnan wa hpe shanhte kaw na jahka la ya ai nhtoi du na ra ai rai nna, dai nhtoi hte hta shanhte lusha gam na mara ai,” ngu nna shanhte hpe tsun mu ai.

LUKA 5:35 ပူးပေါင်းရင်းမြစ်များ

ESAIA 22:12

Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

MAHTE 9:15

Yesu gaw shanhte hpe, “La nnan wa a hkungran gawk hte seng ai manaw manang ni gaw, la nnan wa hte rau naw nga nga yang, shanhte yawn hkyen hkrum na ma hka? N rai law! Rai ti mung, la nnan wa hpe shanhte kaw na jahka la kau ya ai nhtoi du na ra ai; dai shaloi shanhte lusha gam na mara ai.

MARKU 2:20

Rai ti mung la nnan wa hpe shanhte kaw na jahka la kau ya ai nhtoi du na ra ai; dai nhtoi hta e shanhte lu sha gam na mara ai.

LUKA 17:22

Dai hpang shi a sape ni hpe shi tsun mu ai gaw, “Masha Kasha a nhtoi ni hta na lani mi hpe nanhte mu hkrum ang mayu ai aten du na ra ai, rai ti mung nanhte dai hpe mu hkrum kadup lu na myit dai n rai.

LUKA 5:34

Yesu gaw, “Hkungran ai poi hta la nnan wa hte rau naw nga nga ai ten hta, manam ni hpe lusha gam shangun lu myit ni?

LUKA 5:36

Yesu gaw ga shadawn hte mung shanhte hpe tsun mu ai gaw, “Palawng nnan hta na achyen gang je la nna, palawng dingsa hta kadai n kapa ga ai; shing di yang palawng nnan hpe gang je kau nna, palawng dingsa mung nnan hta na achyen hte n pre na ra ai.

YAWHAN 12:8

Matsan mayan ni gaw nanhte hte rau tut e anga nga ma ai, ngai chyawm gaw nanhte hte rau tut e anga nga na n rai,” ngu wu ai.

YAWHAN 13:33

Ngai sha ni e, ngai nanhte hte jahkring mi sha she rau nga lu na ni ai. Nanhte ngai hpe tam na marin dai. Ngai wa ai shara de mung nanhte n hkan nang lu na myit dai, ngu nna ahkaw ahkang lu ai Yuda masha ni hpe ngai tsun ai hte maren, nanhte hpe mung ngai tsun made ai.

YAWHAN 16:28

Ngai gaw Wa kaw nna nan pru sa nna mungkan ga de du sa ni ai; bai ya ngai mungkan ga hpe kau da nna, Wa hpang de wa na nngai,” ngu mu ai.

KASA 1:9

Ning nga ai ga tsun ngut ai hpang, shanhte shi hpe yu nga yang, shi hpe ntsa de shalun la ai rai nna, sumwi gaw shanhte a man na shi hpe magap la mat wa ai.

KASA 14:23

Hpung shagu hta, hpung salang ni hpe lata san da nna lusha gam let akyu hpyi ngut jang shanhte kam sham nga ai Madu a lata hta ap ya da mu ai.

KASA 3:21

Moi chyaloi n hkoi kaw nna nga ai, shi a chyoi pra ai myihtoi ni a n-gup hku nna Karai Kasang tsun da sai hte maren, nga yawng nga pra hpe nnan bai gram ai prat du hkra Yesu gaw sumsing lamu e nga nga lu na rai nga ai.

1 KORINHTU 7:5

Nanhte gaw akyu hpyi na matu, shawng kaw nna jahkring mi aten la na myit hkrum da ai lam sha n nga yang gaw, madu jan madu wa hkum shan kanawn ai lam hpe hkum koi gam nga myit; akyu hpyi ai ten htum ai hpang bai kanawn nga mu. Dai hku rai yang she nanhte n sharang lu ai majaw, Satan e gunglau ai n hkrum na myit dai.

2 KORINHTU 11:27

Bungli hte kyin dut ai, law law lang yup n lu sha ai, kaw si hpang gara hkrum ai, law law lang, lusha dumhprut ai, shingbyi shara n lu ai hte singgu krin re ai tsin yam ahkrum nga nngai.