LUKA 5:32 - Jinghpaw Common Language Bible 2009

³² Ding hpring ai hte arawng sadang lu dum ai ni hpe myit malai lu hkra shaga na, ngai sa du ai n rai; yubak kap ai ni ngu ai kabai kau hkrum ai ni hpe shaga na she, sa du nngai,” ngu nna shanhte hpe htan mu ai.

Jinghpaw Hanson Version Bible

³² dinghpring ai ni hpe myit malai lu hkra shaga na, ngai sa du ai n rai, yubak kap ai ni hpe shaga na she, sa du nngai,” ngu nna shanhte hpe htan mu ai.

LUKA 5:32 ပူးပေါင်းရင်းမြစ်များ

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

MARKU 15:10

Hpa majaw nga yang, manawn masham ai a majaw hkinjawng agyi ni Yesu hpe shi a lata de ap kau mu ai lam shi atsawm sha chye ya nga ai.

MARKU 15:7

Dai ten hta kasu kabrawng nna masha sat ai gumlau ni hte rau htawng e sharen da nga ai masha ni hta Baraba ngu ai wa langai mi mung lawm nga ai.

MARKU 2:17

Yesu dai hpe na wu yang, “Hkam kaja ai ni tsi sara n ra ma ai, machyi ai ni sha ra ma ai. Ding hpring nna hkungga ging dum ai ni hpe shaga na matu n rai, yubak lu ai ngu nna kabai kau hkrum ai ni hpe shaga na matu she ngai sa du nngai,” ngu nna shanhte hpe tsun mu ai.

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

LUKA 15:7

Dai hte maren, ngai nanhte hpe tsun made ga, myit malai lu shara n nga dum ai hkungga ging ai masha jahku shi jahku a majaw kabu gara ai hta, myit malai lu ai yubak kap ai wa langai mi a majaw, sumsing lamu kata e, grau nna kabu gara rai na ra ai.

LUKA 19:10

Masha Kasha gaw mat mat ai ni hpe hkan tam nna hkye hkrang la na du sa ai rai nga ai,” ngu nna Zake hpe tsun wu ai.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

LUKA 5:31

Yesu gaw, “Hkam kaja ai ni tsi sara n ra ma ai, machyi ai ni sha ra ma ai.

LUKA 5:33

Masha nkau mi gaw, “Yawhan a sape ni lusha ya sha sha gam ma ai hte akyu hpyi ma ai; Hparishe ni a sape ni mung dai hte maren galaw ma ai, rai ti mung na a sape ni gaw, a lu a sha nga ma ai,” ngu nna Yesu hpe tsun mu ai.

KASA 17:30

Karai Kasang gaw shinggyim masha ni shi hpe n chye n chyang nna lai mat sai prat ni hpe yu shalai kau ya mu ai. Rai ti mung, ya gaw shara magup hkan na masha yawng hte hpe tinang a n hkru n kaja ai lam ni kaw na myit malai nhtang wa mu, ngu nna hkang dat ra ai.

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

KASA 3:26

Dai rai nna nanhte langai hte langai tinang a n hkru n shawp ai lam ni hta na myit malai kayin wa ai hte shaman chyeju hkam la lu mu ga nga Karai Kasang gaw shi a shangun ma hpe paw pru shangun ai hte nanhte hpang de shawng shangun dat ya sai,” ngu nna tsun mu ai.

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

2 PETRU 3:9

Masha nkau mi myit ai zawn, Karai Kasang gaw shi a ga sadi jaw da sai lam hpe galaw shadik na matu aten la nna lanyan taw nga ai n rai; rai ti mung yawng mayawng yubak mara kaw na kayin wa nna kadai mung hten bya ai n hkrum u ga, shi ra nga ai majaw shi nanhte a ntsa e, myit galu nga ai majaw rai nga ai.