LUKA 5:30 - Jinghpaw Common Language Bible 2009

³⁰ Hparishe nkau mi hte shanhte a hpung hta lawm ai tara sara nkau mi gaw, Yesu a sape ni hpe, “Nanhte hpa rai kang hta ai ni hte kaga yubak kap ai masha ni hte rau, lusha nga myit ta?,” ngu nna san mu ai.

Jinghpaw Hanson Version Bible

³⁰ Dai rai nna Hparishe ni hte shanhte a laika ka ai sara ni gaw, shi a sape ni a lam wu wu di di nga nna, “Nanhte hpa rai kang hta ai ni hte yubak kap ai ni rau lu sha nga myit ta?” nga nna tsun ma ai.

LUKA 5:30 ပူးပေါင်းရင်းမြစ်များ

ESAIA 65:5

Dai hpang shanhte gaw kaga ni hpe, ‘Anhte kaw na kran rai mat mu; Anhte gaw nanhte a matu nau wa chyoi pra nga ga ai majaw ahtawk hkra lu na myit dai n rai!,’ ngu nna tsun ma ai. Ngai gaw dai zawn re ai masha ni hpe n sharang lu nngai-shanhte hpe ninghkap na nye a masin kahtet ai gaw galoi mung n krip mat ai wan zawn rai nga li ai.

MAHTE 5:46

Nanhte gaw nanhte hpe tsaw ra ai ni hpe sha tsaw ra htang myit yang gaw, nanhte Karai Kasang kaw na hpa shabrai lu na myit ta?

MAHTE 9:11

Hparishe nkau mi dai hpe mu ma yang, shanhte gaw, “Nanhte a sara gaw kang hta ai ni hte rau hpa rai shat pawng sha a ta?,” nga nna shi a sape ni hpe san mu ai.

MARKU 2:16

Hparishe ni hte Tara sara nkau mi gaw, Yesu shing rai kang hta ai ni hte kabai kau hkrum ai masha ni a hpawng hta shat rau jawm sha nga ai hpe mu ma ai shaloi, shi a sape ni hpe, “Hpa majaw shi dai zawn re ai masha ni hte rau lu sha nga ai kun?,” nga nna san ma ai.

MARKU 7:3

Hpa majaw nga yang, Hparishe ni hte Yuda masha nkau mi gaw, jiwa ni a sharin shaga da ai htung lai ni hpe hkap la nna hkan sa nga ma ai rai nna, lata ni hpe atsawm sha n shin kau yang gaw shanhte shat n sha ga ma ai;

MARKU 9:16

Yesu gaw sape ni hpe, “Nanhte gaw, shanhte hte hpa lam ni tsun dangrang hkat nga myit ta?,” ngu nna san mu ai.

LUKA 18:11

“Hparishe wa gaw shi hkrai kaga hkran rai tsap nna, ‘Karai Kasang e, ngai gaw hpya lu hpya sha ai, nammak lawhpa ai, n ding n man ai, num shut num shaw re ai masha gale ni hte n bung nngai majaw, ngai nang hpe chyeju dum nngai. Wora kang hta ai wa zawn mung n rai nngai majaw nang hpe chyeju dum nngai.

LUKA 19:7

Dai hpe mu ai masha ni yawng gaw, “Ndai masha wa gaw, Yubak kap ai wa langai mi a nta hta shang manam sai,” nga nna aput angun nga ma ai.

LUKA 5:17

Lani mi hta Yesu sharin shaga nga yang, Galile mung, Yuda mung, kahtawng shagu hkan na hte, Yerusalem mare de na Hparishe ni hte Tara Sara ni sa du dung nga ma ai. Machyi shamai ya na matu Madu Karai Kasang a atsam gaw Yesu hta nga nga ai.

LUKA 5:21

Shaloi, Tara sara ni hte Hparishe ni gaw, “Ning nga Karai Kasang hpe shut hpyit ai hku tsun shaga ai wa gaw, kadai wa rai ta? Karai Kasang chyu sha yubak dat kau ya lu ai wa rai nga ai!” nga nna shanhte a myit hta ga san san let aru yu nga ma ai.

LUKA 7:34

Dai Masha Kasha sa du nna, lu nga, sha nga ai rai yang mung, nanhte gaw, Ndai masha wa hpe yu mu! Shi gaw lu lai sha lai ai wa, kang hta ai ni hte kaga yubak kap ai ni a jinghku wa rai nga ai, bai nga myit dai.

LUKA 7:39

Yesu hpe shaga ai Hparishe wa dai mu jang, “Ndai wa kaja wa myihtoi langai mi rai yang gaw, ndai num gaw kadai re ai, shi hpe kadai wa sa hkra nga ai, ndai num gaw kaning re ai yubak kap ai jan rai nga ai mung, shi chye na wu ai,” nga nna shi a kraw e myit nga ai.

KASA 23:9

Shanhte marawn jahtau tsun shaga ai gaw grau nna ja wa ai, shaloi Hparishe hpung hta lawm ai tara sara nkau mi rawt nna, “Ndai wa hta anhte hpa mara mung n mu ga ai! Kaja wa Wenyi shing n rai lamu kasa langai mi shi hte ga tsun yang tsun shaga sana re!,” nga nna tsun hkat bu ma ai.