LUKA 5:29 - Jinghpaw Common Language Bible 2009

²⁹ Shaloi Lewi gaw shi a nta e, Yesu a matu lusha poi kaba galaw wu ai, Manam ni hta kang hta ai ni law law hte kaga masha ni shanhte hte rau dung nga ma ai.

Jinghpaw Hanson Version Bible

²⁹ Shaloi Lewi gaw shi a nta e Yesu a matu poi kaba galaw nna, kang hta ai ni hte masha kaga law law wa, shanhte hte rau sha dung nga ma ai.

LUKA 5:29 ပူးပေါင်းရင်းမြစ်များ

MAHTE 11:19

Dai Masha Kasha du sa nna, lu let sha let nga ai shaloi, ‘Yu mu ndai wa gaw, sha marim ai wa, sabyi lu shalai ai wa, kang hta ai ni hte yubak kap ai ni a jinghku wa rai nga ai,’ nga nna bai tsun ma ai. Rai ti mung, Karai Kasang a hpaji byeng-ya chyawm gaw teng man nga ai lam hpe, dai hpaji ni a majaw byin wa ai akyu ni e sakse hkam ya nga ma ai,” ngu mu ai.

MAHTE 5:46

Nanhte gaw nanhte hpe tsaw ra ai ni hpe sha tsaw ra htang myit yang gaw, nanhte Karai Kasang kaw na hpa shabrai lu na myit ta?

MAHTE 9:10

Yesu gaw Mahte a nta e shana shat sha let dung nga yang, kang hta ai ni hte yubak kap ai masha law law wa, Yesu hte shi a sape ni hte rau sha ku hta sa dung lawm nga ma ai.

MAHTE 9:9

Yesu gaw dai shara kaw na sa mat wa yang, shi a kang hta ai sum e dung nga ai Mahte ngu ai kang hta ai wa hpe mu hkrup nna, “Ngai kaw hkan nang rit,” ngu shi hpe tsun wu ai. Shaloi Mahte rawt nna shi kaw hkan nang nga ai.

MARKU 2:15

Dai hpang gade nna yang, Yesu gaw shi a sape ni hte rau Lewi a nta e shat sha nga ai. Kang hta ai ni law law hte yawng e jawm kabai kau hkrum ai masha ni mung shi kaw hkan nang nga ma ai rai nna, law law wa Yesu hte rau shat sha ai ku hta dung lawm nga ma ai.

LUKA 15:1

Lani mi hta, kang hta ai ni hte, kaga kabai kau hkrum ai yubak kap ai masha ni law law wa, Yesu a ga madat na nga nna, shi hpang de sit sa ma ai.

YAWHAN 12:2

Shaloi shanhte gaw shi hpe shana shat daw jaw mu ai rai nna, Marhta gaw shat lu sha jau nga ai; Lazaru gaw Yesu hte rau dung nga nna lu sha ai ni hta lawm ai wa langai mi rai nga ai.

1 KORINHTU 10:27

N kam n sham ai wa langai ngai, nanhte hpe daw jaw na matu saw shaga ai shaloi, nanhte sa mayu yang sa mu. Myit ung ang ai lam n nga na matu jep san sagawn ai lam n galaw ai sha nanhte a man e hkyen da mada hte hpe sha mu.