LUKA 5:24 - Jinghpaw Common Language Bible 2009

²⁴ Dai Masha Kasha gaw ga ntsa e yubak mara ni hpe dat kau ya ai ahkang aya lu ai gaw, nanhte hpe ya ngai sakse madun na nngai,” ngu mu ai. Shing rai shi gaw, dai katsing si ai wa hpe, “Nang hpe ngai tsun de ga, rawt u, na a nba panep hta hpai nna nta de wa nu,” ngu nna tsun wu ai.

Jinghpaw Hanson Version Bible

²⁴ Rai timung, Masha Kasha gaw ga ntsa e yubak dat kau ya ai ahkang aya lu ai gaw nanhte chye nga myit ga, dai hkum katsing si ai wa hpe, Nang hpe ngai tsun de ga, ‘Rawt u, na a yup ra la nna, nta de wa nu,” ngu nna shanhte hpe htan wu ai.

LUKA 5:24 ပူးပေါင်းရင်းမြစ်များ

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

Daniela 7:13

Shana e ndai shingran mu nga ai laman, shinggyim masha hte bung ai langai mi ngai mu nngai. Shi gaw ngai kaw shani sa wa nna, sumwi ni hte gawan da let htani htana ahkrung nga sai wa hpang de sa nhtawm shi a man e nga nga ai.

MAHTE 16:13

Ya, Yesu gaw Kesare Hpilip mare a ginwang hkan e du wa yang, “Dai Masha Kasha hpe, masha ni kadai wa rai nga ai, nga nga ma ta?,” ngu nna shi a sape ni hpe san mu ai.

MAHTE 25:31

“Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna,

MAHTE 26:64

Yesu gaw, “Nang tsun ai hte maren rai nga ai. Rai ti mung ngai nanhte yawng hpe tsun made ga, ya kaw nna dai Masha Kasha gaw daru magam ahkang aya lu ai wa a hkra maga e dung nga nna lamu na sumwi ni hte du sa ai hpe nanhte mu na marin dai!,” ngu nna shi hpe tsun wu ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 9:6

Rai ti mung, “Dai Masha Kasha gaw, ga ntsa e yubak dat kau ya ai ahkang aya lu ai gaw nanhte chye lu myit ga,” nga tsun let, dai katsing si ai wa hpe, “Rawt u, na a hpun nba panep hpai la nna na a nta de wa u!,” ngu wu ai.

LUKA 5:13

Yesu gaw lata ladawn nna shi hpe ahtawk let, “Ngai hkraw nga nngai, san pra wa nu,” ngu wu ai. Shaloi jang dai manggang ana mai mat wa ai.

LUKA 5:18

Masha nkau mi gaw hkum katsing si ai wa langai mi hpe yupra panep hta hpai sa nna, dai wa hpe Yesu a man e shawn tawn lu hkra shakut yu ma ai.

LUKA 5:23

Na a yubak dat kau ya sade ai, ngu ai hte rawt hkawm wa u, ngu ai ga yan hta gara mahtang grau tsun loi a ta?

LUKA 7:14

Dai hpang shi ani sha sit sa nna, dai da-u hpe ahtawk wu ai; hpai ai ni mung hkring tsap ya ma ai; shaloi shi gaw, “Shabrang e, ngai nang hpe tsun de ai, rawt u!” ngu wu ai.

LUKA 8:54

Rai ti mung Yesu chyawm gaw, dai ma a lata jum da nna, “Ma e, rawt u!” ngu nna shaga wu ai.

YAWHAN 11:43

Shing nga shi tsun ngut jang shi gaw, “Lazaru e, pru wa rit!,” ngu nna nsen kaba hte jahtau dat wu ai.

YAWHAN 17:2

Hpa majaw nga yang, ngai nsha wa a lata de nang ap ya ai yawng mayawng hpe htani htana asak jaw n ga, nang gaw nsha wa hpe masha yawng mayawng a ntsa e up ai ahkang aya jaw ya nit dai.

YAWHAN 3:13

Sumsing lamu de na yu hkrat wa ai Masha Kasha hta kaga kadai mung sumsing lamu de lung wa yu ai n rai.”

YAWHAN 5:27

Shi gaw Masha Kasha rai nga ai majaw tara dara na ahkang mung shi hpe ap ya nu ai.

KASA 14:10

“Ai jan rai rawt tsap u!” nga nna nsen shaja let, tsun wu ai. Dai masha wa mung gumlawt rawt nna hkawm yu nga ai.

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

KASA 9:34

Petru gaw dai wa hpe “Ainea e, Yesu Hkristu nang hpe shamai ya nit dai: rawt u, na a hpun panep lajang u,” ngu tsun wu ai shaloi jang shi rawt wa lu ai.

KASA 9:40

Petru chyawm gaw shanhte yawng hpe gawk kaw nna shapraw kau nhtawm hput di let kyu hpyi nga ai. Dai hpang dai mang maga de kayin nna, “Tabihta e rawt u!,” ngu wu ai. Tabihta mung myi hpaw nna Petru hpe mu jang, rawt dung nga ai.

SHINGRAN 1:13

dai ni a ka-ang e masha zawn san ai wa langai mi shi a lagaw lahkre du hkra re ai bu hpun palawng bu hpun nna shi a sinda hta ja shingkyit kyit nga ai hpe ngai mu nngai.