LUKA 5:21 - Jinghpaw Common Language Bible 2009

²¹ Shaloi, Tara sara ni hte Hparishe ni gaw, “Ning nga Karai Kasang hpe shut hpyit ai hku tsun shaga ai wa gaw, kadai wa rai ta? Karai Kasang chyu sha yubak dat kau ya lu ai wa rai nga ai!” nga nna shanhte a myit hta ga san san let aru yu nga ma ai.

Jinghpaw Hanson Version Bible

²¹ Shaloi laika ka ai sara ni hte Hparishe ni gaw, “Ning nga shatan nhkan tsun ai wa gaw, kadai wa rai ta? Karai Kasang sha n rai yang yubak dat kau ya lu ai gaw kadai wa rai nga a ta?” nga nna myit aru yu nga ma ai.

LUKA 5:21 ပူးပေါင်းရင်းမြစ်များ

SHAKAWN KUNGDAWN 103:3

Shi gaw nye a yubak yawng hte hpe raw dat kau ya nga ai; nye a ana ahkya yawng hte hpe mung, shi shamai shatsai ya nga ai.

SHAKAWN KUNGDAWN 130:4

Rai ti mung, nang anhte hpe mara raw dat ya nga ndai, dai majaw, anhte nang hpe hkrit hkungga ai hte madat mara hkan sa nga ga ai.

SHAKAWN KUNGDAWN 32:5

Shing rai, ngai gaw nye a yubak ni hpe nang kaw yin la ni ai; nye a shut hpyit ai mara ni hpe mung ngai makoi magap da nngai n rai. Dai lam ni hpe nang kaw mara yin la na ngai daw dan ni ai; nye a yubak yawng hte hpe nang dat kau ya nit dai.

SHAKAWN KUNGDAWN 35:5

Dai Madu a lamu kasa gaw shanhte hpe hkan shachyut nga yang; shanhte gaw nbung e shapoi kau ai numhkaw zawn rai mat mu ga!

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

ESAIA 43:25

Rai tim, Ngai gaw na a yubak mara ni hpe raw dat ya ai Karai Kasang rai nga nngai, ngai rai nga nngai majaw ndai amu hpe ngai galaw nngai. Ngai gaw na a yubak ni hpe dum nga na nngai n rai.

ESAIA 44:22

Ngai gaw sumwi zawn na yubak ni hpe ye kau ya ni ai. Ngai hpang de nhtang wa rit; ngai gaw nang hpe hkye la ai wa rai nga nngai,” ngu tsun ai.

Daniela 9:19

Madu e, anhte a ga na ya e. Madu e, anhte a mara dat ya mi. Madu e, anhte a ga madat ya ai hte shabyin ya mi! Nang Karai Kasang rai nga ndai hpe masha shagu chye na wa lu mu ga, hkum kanung nga et! Ndai mare hte ndai amyu masha ni gaw na a ni rai nga lit dai,” ngu nna tsun nngai.

Daniela 9:9

Anhte nang hpe gumlau kau saga tim, nang gaw matsan chye dum ai hte mara raw dat ya ai wa rai nga ndai.

JAW JAU 24:16

Israela masha ni hpe tsun u. Israela amyu masha mi rai ti mung, Israela mung hta nga ai maigan masha rai ti mung dai Madu hpe matsa ai wa kadai mung shawa hpung ting e nlung hte kabai sat kau ai hkrum na rai wu ai.

MIHKA 7:19

Nang gaw anhte hpe kalang mi bai matsan dum la na rai nga ndai. Nang gaw anhte a yubak mara ni hpe lagaw npu de kabye kau na rin dai, dai ni hpe panglai htumpa de kabai bang kau na rin dai.

MAHTE 26:65

Shaloi Hkinjawng Agyi Kaba wa gaw, shi a hpun palawng gang je kau nna, “Shi gaw Karai Kasang hpe masu matsa shatan nhkan ai ga tsun nu ai! Anhte kaga hpa sakse mi n tam ra saga ai! Karai Kasang hpe shi masu matsa shatan nhkan ai ga nanhte nan na manit dai!

MAHTE 9:3

Dai rai nna tara sara nkau mi gaw, “Ndai wa Karai Kasang hpe shatan nhkan ai ga tsun nga ai,” nga nna tinang a kraw kata e tsun ma ai.

LUKA 3:8

Dai majaw nanhte a yubak mara ni kaw na myit malai kayin wa sai ngu nna tsun lu hkra re ai lam hkan sa galaw mu. Abraham gaw anhte a ji wa rai nga ai, nga nna nanhte shada da hkum tsun myit; nanhte hpe ngai tsun made ga, Karai Kasang gaw ndai nlung ni hpe la nna shi a matu kashu kasha ni hpe hpan shapraw dat lu ai.

LUKA 5:17

Lani mi hta Yesu sharin shaga nga yang, Galile mung, Yuda mung, kahtawng shagu hkan na hte, Yerusalem mare de na Hparishe ni hte Tara Sara ni sa du dung nga ma ai. Machyi shamai ya na matu Madu Karai Kasang a atsam gaw Yesu hta nga nga ai.

LUKA 5:22

Shanhte myit aru yu ai lam hpe Yesu chye wu ai majaw, “Nanhte hpa rai kraw kata hta dai lam ni myit aru yu nga myit ta?

LUKA 7:49

Rau shat sha dung nga ai ni gaw, “Yubak mara ni hpe nan raw dat kau ya lu ai, ndai wa gaw, kadai wa rai ta?,” nga nna shanhte tsun shajang ma ai.

YAWHAN 10:33

Shanhte gaw, “Kaja ai amu lama ma nang galaw ai a majaw, anhte nang hpe nlung hte kabai mayu ga ai n rai, rai ti mung nang gaw, Karai Kasang a mying nsang hpe n-gawn n sawn shatan nhkan ga tsun ndai hte, shinggyim masha sha rai da nhtawm me, na a hkum hpe nang Karai hpyi hpun ndai majaw kabai na ga ai,” ngu nna htan mu ai.

ROMA 8:33

Karai Kasang a lata la ai ni hpe kadai wa mi mara shagun lu na a ta? Shanhte hta mara n nga ai lam Karai Kasang shi nan shapraw shadan tsun ya sai.