LUKA 5:20 - Jinghpaw Common Language Bible 2009

²⁰ Yesu shanhte hta kam sham ai myit gade daram rawng ai lam mu ai shaloi, katsing si ai wa hpe, “Masha wa e, na a yubak mara ni dat kau ya sade ai,” ngu wu ai.

Jinghpaw Hanson Version Bible

²⁰ Shanhte a kamsham ai myit mu jang, shi gaw, “Masha wa e, na a yubak dat kau ya sade ai,” ngu wu ai.

LUKA 5:20 ပူးပေါင်းရင်းမြစ်များ

NINGPAWT NINGHPANG 22:12

Lamu kasa gaw, “Dai ma hpe hkum hkra et; shi hpe hpa mung hkum di et. Na a shadang sha shingtai shi hpe jaw na nang n kanung nga nit dai majaw Karai Kasang hpe nang hkrit hkungga ai hte madat mara nga ndai hpe ya ngai chye ni ai,” ngu nna htan wu ai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

MAHTE 9:2

Shaloi, masha nkau mi gaw, yup ra hta taw nga ai katsing si ai masha langai mi hpe, shi hpang de hpai sa ma ai. Yesu gaw shanhte hta kam sham ai myit gade daram rawng ai hpe mu jang, “Sha e, ngwi pyaw nga n-ga, na a yubak dat kau ya ai hkrum nit dai,” ngu katsing si ai wa hpe tsun wu ai.

MAHTE 9:5

Na a yubak dat kau ya sai; shing n rai, rawt hkawm wa u, ning ngu tsun ai ga yan hta, gara mahtang grau tsun loi a ta?

MARKU 2:5

Yesu gaw shanhte hta kam sham ai myit gade daram rawng nga ai hpe mu jang, “Sha e, na yubak dat kau ya sai,” ngu nna katsing si ai wa hpe tsun wu ai.

LUKA 7:48

Dai hpang Madu gaw, “Na a yubak mara ni hpe dat kau ya sade ai,” ngu nna numsha hpe tsun wu ai.

YAWHAN 2:25

Madu shi nan masha kraw lawang na myit masin a maw mawn ai lam ni hpe chye ya nga ai majaw, shanhte a lam masha gade e me shi hpe tsun dan ra ai n rai.

YAWHAN 5:14

Dai hpang Madu Yesu gaw, Nawku Htingnu e dai wa hpe mu hkrup nna, “Yu u, ya nang hkam kaja nit dai; shawng na hta grau sawng ai tsin-yam n hkrum n ga, yubak bai hkum galaw et,” ngu nna shi hpe tsun wu ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 14:9

Shi mung dai kaw dung nga let, Pawlu tsun ai ga ni hpe madat nga ai, Pawlu gaw dai wa hta mai wa lu hkra kam sham ai myit rawng nga ai hpe shi mu wu yang, shi hpe azi yu let,

2 KORINHTU 2:10

Nanhte gaw marai langai ngai hpe shi shut ai mara dat kau ya myit yang, ngai mung raw dat ya nngai. Hpa majaw nga yang, lama rai nna masha marai langai ngai hpe mara dat ya ra wa ai shaloi, ngai gaw nanhte a myi man hpe tau nna Hkristu a man e shi a mara hpe dat ya nngai.

KOLOSE 3:13

Nanhte hta marai langai ngai a ntsa e mara shagun shara nga ai shaloi shada da hkam sharang ai hte shada da mara raw dat hkat nga mu. Dai Madu gaw nanhte hpe mara raw dat kau ya manit dai hte maren, nanhte shada da mung mara raw dat lu na rai myit dai.

YAKU 2:18

Rai ti mung, “Marai langai mi hta makam masham rawng nna kaga langai mi hta magam bungli galaw ai lam ni nga nga ai,” nga nna marai langai ngai tsun dara a yang gaw, “Magam bungli n lawm ai makam masham ngai hpe madun dan rit; ngai chyawm gaw nye a makam masham hpe nye a magam bungli ni hte nang hpe madun na de ai.”