LUKA 5:14 - Jinghpaw Common Language Bible 2009

¹⁴ Shaloi Yesu gaw, “Dai lam kadai hpe mung n tsun dan ai sha, hkinjawng wa kaw ading tawk wa nna, na a hkum jep yu shangun u. Dai hpang nang mai mat sai lam masha shagu a man e sakse tai na matu Mawshe hkang da ai hte maren, hkungga wa nawng ya u,” ngu nna shi hpe ginhtim dat wu ai.

Jinghpaw Hanson Version Bible

¹⁴ “Dai lam kadai hpe mung n tsun dan ai sha, Nang pru wa nna hkinjawng wa hpe na hkum madun dan nhtawm, shanhte a matu sakse tai u ga, nang san pra ai a matu Mawshe tawn da ai hte maren, hkungga wa nawng ya u,” ngu nna shi hpe ginhtim dat wu ai.

LUKA 5:14 ပူးပေါင်းရင်းမြစ်များ

JAW JAU 13:2

Marai langai ngai shi a hpyi hta ningma hpye ai rai yang mung, shakrwi tu ai rai yang mung, kahtet kaba kau nna manggang maga gale mat wa ai rai yang mung shi gaw Arun hte shi a shadang sha hkinjawng ni hpang de sa na rai wu ai.

JAW JAU 13:49

tsit tsit hkyeng hkyeng re ai rai yang, dai gaw nshu lamu hpra jawng nga ai rai nna hkinjawng wa hpe madun dan na rai wu ai.

MAHTE 10:18

Nye a majaw nanhte hpe up hkang ai du ni hte hkawhkam ni a man e jeyang na matu dun bang wa ai hkrum na marin dai. Dai rai nna shanhte a man e mung, tara maigan masha ni a man e mung, dai Kabu Gara Shiga hpe tsun dan na ahkang lu na marin dai.

MAHTE 12:16

Rai ti mung, shi a lam n tsun shabrawng dat mu ga, shanhte hpe shi hkang dat mu ai.

MAHTE 8:4

Shaloi Yesu gaw, “Madat u! Ndai lam kadai hpe mung hkum tsun dan et, pru wa nhtawm na a hkum hkinjawng agyi wa hpe jep yu shangun u; dai hpang, nang san pra mat sai lam shanhte a man e sakse tai u ga, Mawshe hkang tawn da ai hkungga nawng ya u,” ngu shi hpe tsun wu ai.

MAHTE 9:30

Shaloi shan a myi hpaw wa malu ai. Yesu chyawm gaw, “Kadai mung ndai hpe n chye lu mu ga sadi nga mu,” ngu nna shan hpe aja awa ginhtim da mu ai.

MARKU 1:44

Shi hpe shing nga tsun ngut ai hpang, shi gaw, “Madat u, ndai byin ai lam kadai hpe mung hkum tsun dan et, rai ti mung hkinjawng wa kaw nang ading tawk wa nhtawm, na a hkum hpe jep yu shangun u. Dai hpang, nang mai tsai san pra mat sai lam masha law law a man e sakse tai na matu Mawshe htet da ai hte maren hkungga wa nawng u,” ngu nna htet matsun dat wu ai.

MARKU 6:11

Nanhte mare langai ngai de du nna dai mare kaw na masha ni nanhte hpe n hkap la nna nanhte hpe n madat n mara nga ma yang gaw, nanhte a lagaw lahpan hta kap ai ga nhpu hpe ahpu sharun kau da nna dai shara kaw na pru mat wa mu. Dai gaw shanhte hpe sadi jaw ai lam tai na ra ai.’’ ngu nna kahtap tsun dat mu ai.

LUKA 17:14

Yesu shanhte hpe mu jang, “Hkinjawng ni nanhte hpe jep yu mu ga, sa wa mu,” ngu nna shanhte hpe tsun dat mu ai. Shanhte lam e wa nga yang pyi san pra mat ma ai.

LUKA 5:13

Yesu gaw lata ladawn nna shi hpe ahtawk let, “Ngai hkraw nga nngai, san pra wa nu,” ngu wu ai. Shaloi jang dai manggang ana mai mat wa ai.

LUKA 9:5

Gara kaw rai rai, masha ni nanhte hpe n hkap la ai rai yang, shanhte hpe shadum ai kumla hku nna nanhte a lagaw hta kap ai ga nhpu hpe ahpu sharun kau da nna dai mare kaw na pru mat wa mu,” ngu nna shanhte hpe tsun dat mu ai.